[david]

曾鈺成試口風　
葉劉：陷我於不義

一直被指對特首「寶座」垂涎的新民黨主席葉劉淑儀昨遭立法會前主席曾鈺成當面挑機，引述消息指葉劉將於下月14日辭任行會，暗示她屆時去馬參選，葉劉即時回應說：「你唔好玩我啦，真係陷我於不義。」雖然未有表明去馬，但葉劉呼籲中央考慮下屆特首人選能否領導公務員、以及會否導致多人上街，暗批與公僕不咬弦的梁振英，一旦連任會令大批港人上街。

葉劉淑儀及曾鈺成昨亦於林鄭致辭的論壇上，同場談論特首選舉。曾鈺成指國家主席習近平早前會見梁振英時，沒有釋出訊息指中央肯定支持誰做特首，亦沒有不支持梁連任的訊息：「我覺得唔影響所有有意去參選嘅人嘅考慮，唔會因為呢個會面成數高咗或低咗。」


指中央未表態「係好事」

葉劉認為，中央至今仍然未就下屆特首人選表態，「係一件非常好嘅事」，因為以往中央經常被港人批評欽點特首。

而習近平最近與梁振英會面，席間指梁振英要帶領特區管治團隊「繼續綜合施策」和「廣泛凝聚社會共識」；葉劉指習席間釋放的訊息「好正常、好正面」，認為領導人對任何一位特首也會這樣說，不感奇怪。

但葉劉同時指一個成功的特首選舉，中央要了解兩大因素，矛頭直指梁振英：「選到嘅人未來5年能唔能夠有效管治，管治分兩部份，第一無論係政府嘅公務員、能否領導、團結議員；第二係會唔會令到好多人上街，呢啲都係中央要諗。」

曾鈺成則單刀直入，指前日看到一則消息指葉劉下月14日會辭任行會，表現淡定的葉劉即時回應說：「你唔好玩我啦，真係陷我於不義。」她其後被傳媒問到會否辭任行會時只稱：「我適當時候會宣佈。」同時指1,200人的選委會如何選特首，競爭很激烈，存在很大變數，正如英美選舉結果也出人意表。

一直被指仍然有意參選的曾鈺成則未有就是否參選透露任何口風，他只稱自己不懂看今次特首選舉，不能排除任何可能性：「我好鍾意睇偵探小說，因為往往結果係估唔到，如果我哋今日估到晒結局，政治會少好多樂趣。」

曾鈺成又指出，希望自己的智庫提出的政策研究和倡議，能夠成為特首候選人的政綱，更希望為下屆特首接納。

1200人咋喎