[snowman]

====已結業====

cyber已經係2004年11月19結業, 但以下的介紹會留底, 這是香港的集體回憶

位於旺角的Cyber City, 相信無人唔識, 已經成為旺角一個"景點", 如果你未去過就真係....
cyber於地庫之內, 面積很大, 於旺角都租到咁大的場, 恐怕租一定唔少野
cyber一向都係表演用場, 好多人喜歡操番一身好功夫, 先去cyber表演表演
太鼓機我更見過有人玩到要一路打一路跳舞同碌地...
機鋪怪人唔少, cyber更有一位出曬名的騎師, 佢會身穿一身騎師服先去玩跑馬仔機, 真係夠曬feel
所以即使cyber機的價格異常地貴, 都咁多人比錢去玩

如svcc, kof2003, 當其他機鋪已經回落至$2~$3一鋪時, cyber依然高企 $5 一鋪...
有一排大機kof2002, $6 都試過 /\
但在我落筆寫lee編野時(27/08/2004), 我再去cyber行一轉, 發覺svcc已經減到 $3
唔知係咪因為受到新開的新之城旺角gamezone的挑戰, 被迫要調整一下價格, 定還是係我錯覺

從下面相片我地都見到, cyber係嚴禁吸煙, 嚴禁飲食, 嚴禁拍攝(!?), 嚴禁帶狗(!?), 因此cyber濃煙指數係低
人流方面, cyber位於旺角, 人流就唔駛多講喇, 唔會少得去邊, 亦常有mk, wet女落去

cyber場大, 有好多大機, 好多少機鋪入的大機佢都有可能有
我覺得最特別就係8部有cam的Daytona, Daytona已經好舊, 但就只有cyber仲有8部係度
最o岩一大班朋友一齊渣同顛下, 而且有cam影住你份外high, 於機頂有部電視仔播番出o黎

另外大機仲有, brave firefighter, 北斗之拳, mj2, ollie king, 乒乓波, dancemania 2mix, 大機house of dead1, DDR extreme,
landing high japan(想學木村good luck必玩, 但我試過真係幾難玩...but you have ), turn it around(即不停轉個圓板個game), 2部wccf

仲有我見cyber挑得最激列的game, 係 sf plus, 好多時都見人挑機, 而且也高水平
雖然cyber有好多機, 但cyber似乎不太喜歡高達, 當其他機鋪都紛紛入高達時, cyber只得一部對機z, 實在是難以理解...

神樂阪．碧克 的太鼓介紹
如果說Cyber City是旺角機友必去的景點,那麼CC的太鼓機亦曾經是每位走進CC的機友必定駐足觀賞一番的景點.

CC的太鼓可說是機舖同業中時代最久遠之一,由以前的第4代到現在的第6代,CC一直緊貼日本的出機速度.回想起當初太鼓6初出,本港只有兩三間機舖有太鼓6時,CC便是其中一間,吸引大班GAF和FC的高手長駐練鼓.

說句實話,GAF太鼓區的三位台柱---左棍,右鼓,還有小弟,在未加入GAF前就是在那裡認識了.而我也是在那裡由開始的竹mode練上桃mode的.

經過幾次大執位後,現在太鼓6放在CC門口向左轉的所謂Happy Corner位,如果沒人行過,那角落位是可以靜得嚇人的.不過經CC工作人員一番修飾,加上天花吊下的小太鼓,整個角落生氣總算回復不少.

CC太鼓的價錢一直維持於$7/3首的水平,即使受鄰近三間機舖挑戰亦未曾調整價格.不過,因為太鼓機位置近門口,繁忙時間頗容易吸引人群注意力,加上附近音害影響不大,所以即使價錢偏貴,亦吸引不少三五知己或有表演慾的高手甘願入7蚊落去.

然而有一點需特別注意,CC太鼓曾經大修,換過兩塊頗硬且厚的鼓皮,以致有時落棍的力度無法傳到鼓內的感應器.即打三下出兩下的壞鼓反應.所以,使用較輕私家棍或街機附屬棍的玩者建議稍為提高力度,以免打中卻出了miss.

必去指數:

最後更新: 28/08/2004