[snowman]

WonderPark位於銅鑼灣世貿中心平台五樓, 所以通稱"世貿", 世貿是港島區一大場
除o左街機外, 門口亦有好多夾公仔機同貼紙相機, 所以世貿特別吸引好多妙齡少女

有點值得留意, 通常過o左下午12:00, 就會有個食蕉企係門口查身分證, 夠歲數當然冇問題
但經常有好多唔夠歲數的人想駁大霧入去, 如果你係個種人就要小心喇, 當然未夠歲數就唔好入成人場啦

另外, 世貿係嚴禁吸煙, 所以濃煙指數低, 而且仲嚴禁飲食同拍照!

價錢方面, 世貿係算貴, 而且係用代弊, 但唱$50有5個代弊送, 唱$100有10個送, 係咪抵呢!? 就各位機迷自已度一度喇
而我個人經歷, 通常去一次駛唔曬代弊, 餘番幾個, 於是你見身上仲有幾個代弊, 你就會諗住再o黎用埋佢, 但o黎到幾個又唔夠玩, 於是又唱, 如事者就會進入無間輪迴

世貿地方大, 有好多大機, 如WCCF, Key of Avalon, mj2等, 仲有一隻帶狗出街的game, 唔知叫咩名
另外仲有keep一d比較舊的大機, 如東京巴士案內, 劍, 電車GO!2, 侏羅紀公園, 滑雪, House of Dead1大機, 救火機
最經典莫過於4人踩單車機, 絕對係踩到腳軟

世貿入新機的速度比較慢, 一般來說都不要期望即時會有新機玩

值得一提, 世貿有5部SF3.3的對機, 可以說是SF的挑機熱點
如下面相中所見, 太鼓機都是一個吸引人o黎的地方

神樂阪．碧克 的太鼓介紹
相信全港很難有一間機舖可以像世貿Namco World那般,同場有四部太鼓,絕對不怕跟機等餐死.在場共兩部太鼓5,以及最新的兩部太鼓6,其中一號機的太鼓6更連接有大銀幕,絕對適合表演人士發揮.

理論上,如果時間配合得宜,是可以8人合作表演一驚世絕技------「8打太鼓」.做到的話可是足以嚇死在場經過的所有人呢~當然,要完美地做出8打太鼓,並非說說就行般容易......

論到機體狀態,相信有試過的朋友都會給予接近滿分的評價,而附屬棍亦非常新淨.據說那裡只要見鼓棍出現主要破損,就會立刻更換.相信只要用力得宜,落手打幾多下鼓就一定會出返幾多下反應.而且音響足夠,除了2號太鼓6機可能被大銀幕的音響嘈到,音害對世貿太鼓機的影響很微.

然而,以上這些當然有代價.論價錢,世貿的太鼓機是全港收費最貴的.四部機同是需入6個代幣(即$6),太鼓5可以打3首,而太鼓6則只有2首.平均每$3一首的太鼓6價錢,跟外面某些$3已有3首的機舖相比,是否值得,就要自己判斷了.

而最近亦發覺不少太鼓高手開始放棄以世貿為主場.現在多數以初中階者或興之所致去打的少女為主要客人.順帶一提,曾有不少機友投訴世貿的場務態度惡劣,諸多質問.而門外的實Q查身份證是極無定向的,隨時明知個樣過晒廿歲但面目可憎都照樣查你,這可能是另一個令太鼓版友離棄世貿的原因.

必去指數:

最後更新: 27/08/2004