[Kinny Riddle]

小弟嘗試為各位冇睇原作嘅朋友簡單整理下（無小說劇透）

1 由二期開始，右手哥因種種原因誤打誤撞下插手咗羅馬正教嘅事務（其實係理事長暗中安排）

2 羅馬正教唔忿氣，於是派人入學園都市搗亂。魔術同科學兩派對立日漸惡化，開戰只係時間問題。

3 學園都市當然亦唔會齋企响度比你羅馬正教任打。上集以「反恐維和部隊」名義喺羅馬正教嘅地盤首次展示學園都市嘅軍事實力，向羅馬正教先嚟個下馬威

4 開戰前夕，學園都市內唔同嘅暗部勢力趁機爭權奪利，打到七國咁亂。目前只知道排喺一方後面嘅Lv5垣根帝督為始作俑者。