引用:
「這是一個克制的暴力，是對死物，不是對人，這只是對一個政權，感受的抒發。」有參與佔領立法會的學生在警方清場後接受訪問，形容今次事件是官逼民反，「其實在過去的一個月，你見到香港人做到嘅嘢，已經真係做晒，連外國的文宣都已經做埋，已經做晒所有嘢，作為一個後生仔，今日7.1有種更待何時的感覺，相信唔再有下一次機會，召集到咁多人，大家已經真係攰！」
「我們做這麼多是為了甚麼？」學生稱大家都不希望看到有任何暴力或衝突事件發生，所以昨日一班年輕人由凌晨起，只是不斷做各種文宣，如換旗、放氫氣球，一直都是進行各種較和平理性的表達手法，但到了稍後時間，現場得到的訊息，竟然是有很多人指摘年輕人繼續於立法會聚集，是鬼，不理性，從而激化前方一班年輕人的情緒。
接二連三有港人因反送中條例墮樓輕生，另一男同學慨嘆並越說越激動，「香港人只係習慣，好似買贖罪票咁，我出嚟遊行、登記做選民，認為咁就得，但佢哋完全忽視制度上的所有問題，功能組別啊、建制派啲掌心雷，全部都忽視。我有投票，我有做選民，佢哋覺得已經盡咗盡到嘅責任，遊行？！政府啋你都傻。」
被問到毀壞立法會或會面對刑罪，是否值得？該男同學表示：「舊嗰套達唔到我哋想要嘅目的，惟有用啲新嘅方法，就算無毀壞，佢哋都會話我哋係暴徒，咁有咩分別？（犧牲會太大嗎？）從來抗爭都唔會太（重視）犧牲，其實我哋想要啲咩，只要個犧牲你覺得值得、覺得正確、覺得正義。」
該男同學又認為，毀壞立法會不會有助建制派拉票，指他們的票源多來自長者及老人院。
|
世界各地大愛左膠對付異己慣常手段：誣衊 -> 激化被誣衊對象作反擊 -> 評擊誣衊對象惡意中傷(自演VICTIMIZATION) -> 消費被誣衊對象O既CREDIBILITY -> 誣衊變成「事實」 -> 被誣衊對象就咁GG
