[david]

蔡國威率藝人申請破欠基金
司榮彬下令救亞視　撲水3000萬

亞視有轉機？正面臨清盤的亞洲電視昨日傳有新股東願意投資3,000萬，老闆司榮彬再向亞視管理層傳達訊息：「對亞視抱有好大希望，仍然希望拯救亞洲電視。」不過被拖欠薪金的蔡國威、袁潔儀、劉錫賢等昨到沙田勞工處求助並申請破欠基金，對「白武士」傳聞半信半疑，蔡國威好實際說：「最重要係畀錢先！」




亞視前主要投資者王征於上周五入稟申請清盤，令亞視陷入前所未有危機，亞視新聞部幾近真空狀態，被迫取消所有新聞報道。有指亞視新投資者司榮彬致力解決現況，傳他在年廿九曾返亞視向員工派利是，亦盛傳司榮彬將於今日發薪，新聞部有望復播。

劉錫賢冇期望

據了解，司榮彬正積極向財團撲水出糧，有指已找到新投資者願意投資3,000萬元，望能重組新財團。亞視公關及宣傳科高級經理黃守東，昨午5時許在亞視大埔總台外受訪，稱亞視管理層昨午開會，與司榮彬取得聯繫和溝通，司榮彬將一個訊息傳給管理層，並說：「對亞視抱有好大嘅希望，仍然好希望喺今次風波拯救亞洲電視。」黃守東續言：「司生積極安排資金畀亞視向員工發放12月、1月嘅薪金。」他指司榮彬多謝亞視員工繼續堅守崗位、服務市民。黃守東昨早在電台訪問中表示，亞視仍會維持基本6條頻道的廣播，並有信心可以營運至4月1日免費電視牌照屆滿。

不過，蔡國威、劉錫賢、袁潔儀及張家瑩等亞視藝人昨日到沙田勞工處並申請破欠基金，蔡國威說：「如果有新股東我梗係恭喜佢，但新股東要履行番責任，最重要係畀錢先！」因劉錫賢已出12月份糧，暫未啟動10A，傳有人願意投資3,000萬？他說：「我都係嗰句，最緊要係實踐咗先，好過畀遠景我哋。」





80員工求助

由於藝員合約與一般僱員合約有分別，劉錫賢無奈說：「程序上係做緊嘢，最後都係要等個官判先知結果，原來喺香港做藝人真係好無助。」已離職的張家瑩說：「我已經離職，所以唔可以啟動10A，亦唔可以用破欠基金出番啲糧。」數名勞工處人員昨早到亞視進行例行調查。






而有4至5名亞視員工昨在大圍出席工聯會舉辦的員工權益諮詢會，工聯會代表稱希望與政府商討或施壓。負責傳送節目的蘇先生承認獲優先出12月份糧，他說：「我哋負責按掣，冇我哋部門就冇嘢出街。」工程部工作十幾年的曾先生說：「好多員工都冇錢過年，壓力大。」勞工及福利局局長張建宗昨日表示，農曆新年期間有80位亞視員工曾致電勞工處查詢，而勞工處已再次去信亞視董事，要求亞視清付欠薪。通訊局發言人昨日表示，已去信敦促亞視需遵守電視節目服務牌照的業務守則規定，在每日下午6時至午夜12時在其頻道播放最少兩次新聞報道；重申亞視自2月6日起停止播放新聞，當局將就此違規事項向亞視施加罰則。
採訪：盧妹、譚倩宜

咁無道義O架...