Games Animation Forum

主題: [美劇] 有無人睇Netflix?
查看單個文章
舊 09-01-17, 08:35 AM   #172
肉羊哩咖
God of Gamer
griffin611
 
註冊日期: May 2008
文章: 9,437
DN 一下子睇完, 咁, 算唔錯, 完全唔及日版頭兩套電影。

幾時漫畫變成「神作」㗎? 當年唔係好多人鬧佢先讀、夾硬加規則、同L個死法......

本人諗主要係因為三個主角嘅改變, 本人覺得無咁「離地」, 當然搞到個故仔無咁緊張。

講呢啲

1. 呢人物改到好唔同, Light 叫做比一般人醒, 但唔係神, 唔係傳統嘅「乖仔」, 係熱血過月, 應該講個人比較倔, 做人有底線, 唔係好賤格一味利用人, 比較有人性; Mia 唔係咁單純, 改到自私好多, 但係都唔夠醒, 仲要迫人埋牆角, 搞到命都無埋;

2. 最有爭議應該係L 個改法, 佢有幾醒開頭輕輕帶過, 之後反而突顯佢好鬼死自負, 記得佢拆穿到 Light 要有樣有名先殺到人, 但估唔到Light 可以控制人死前嘅行動? 防備唔到近身咁死法, 搞到要動私刑去報仇, 呢樣最大敗筆囉; 點解死都要有追逐場面呢啲老梗㗎!

3. 另一個粉會割櫈嘅地方係基本上無晒 Light 同 L 鬥法, 本人又覺得幾好噃, 避咗好多原作嘅問題, 而節奏都比較快, 老老實實, L 咁樣踩到上心口, Light 唔做嘢搞 L, 仲好似漫畫咁扭扭下拖長嚟玩, 講唔通, 不過L 個反應係似返個細路, 但離晒罩囉

4. 反而另一個改變好多評論無乜提嘅, 係「死神」佢想點玩緊乜? 佢唔似漫畫同電影咁, 齋食花生同做月隻「寵物」, 佢係有啲嘢但無/未交待; 好明顯佢之前放過本 DN 畀其他人, 但係某啲原因唔老嚟而收返(個用家應該死埋), 而呢度唔止一次講見 Light 腳軟想收返本 DN 畀過 Mia (定係佢玩挑撥離間?), 開頭已經講明死神條友信唔過養唔熟, 又神出鬼沒, 佢好似可以知道晒本 DN 入面寫啲乜, 已經好正, 最正嘅改變係居然 DN 殺得死佢, 爭在無人估到佢個名點串啫~

5. 呢部講多好多 Light 同佢老豆嘅關係, 呢度改得最好, 畀到 Light 個初衷去改變世界, 同埋有好多幕係靠佢老豆保先過到關; 而最後嗰度咁扭, 有下一部嘅話會唔會兩仔爺拍住上?

6. Light 居然被個厨房工救咗, 幾正

7. 諗諗下真係有 DN 嘅話, 除咗罪犯之外, 最震嘅會係啲政客囉, 抵死在呢部片有個被 DN 整死嘅, 疑似係北韓軍佬嚟~



__________________
  • 有錯麻煩指正
  • 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune

此篇文章於 09-01-17 08:39 AM 被 肉羊哩咖 編輯。
肉羊哩咖 目前離線   回覆時引用此篇文章
 

返回主題: [美劇] 有無人睇Netflix?