[Garnet_Crow]

Edward Ho
53分前 ·

【青年新政獲戴耀廷飯民認證，可喜可賀】

仲記唔記得戴耀廷個雷動計劃？先做垃圾民調，最後投票日就指示所謂「聰明選民」倒票落佢地屬意既候選人。咁「聰明選民」呢一部分每區都會搞一個 「參選人對談會」，港島前日做完，新西就大後日星期五做。嗱，呢個「參選人對談會」係有篩選既，只有佢地認為係「真民主」參選人先會獲邀參加，而受邀既清 一色都係飯民，社民連同人力都有。

熱普城陣營，係一個都冇既，唔係佢地自己唔去，係根本冇請，「聰明選民」個官方網頁咁寫架。

至於成日俾人話係新飯民既青年新政，原來都係受邀對象喎，仲四區全部應承出席。嘩，「聰明選民」請得既都係飯民自己人，即係戴耀廷都當青年新政係飯民喎，Q嘜認證，羨慕死人。

仲有喎，雷動會喺投票日向佢地access到既選民發出配票指示，「聰明選民」預埋青年新政，即係佢地都有可能得到雷動配票。飯民票又拎啲，同本民前粒瀨尿牛丸又食埋本土票，再加埋雷動配票，左中右逢源，四區當選不是夢，我真係恭喜佢地呀。

唔怪得梁頌恆3月嗰時話只要戴耀廷搞得掂個雷動，就預埋青年新政玩啦。