各位, 講講下雙方變左互相冷嘲熱諷, 逐漸離題啦
講還講, 兩邊講唔埋都唔駛互相暗串, 請以波論波
我個人睇法都係一係收起碧咸, 一係收起雙特其一
雖然碧咸傳中球同遠射係好強既武器
但始終欠缺落底能力, 右路冇人拉空, 中路塞車
而且前線朗尼唔係擅長攝位爭高空球既球員
高治....算吧啦
雙特唔識協調, 睇落林柏特影響比較大
如果收起碧咸/謝拉特, 林柏特應該可以被解放
我覺得右路出謝拉特係因為佢速度, 突破能力同截擊力都比碧咸強
但最重要既係, 艾歷臣唔實質做俾我地睇
呢樣永遠只會係空想, 更唔駛討論究竟唔出邊個會比較好
另外我覺得應該推前祖高爾拍朗尼
朗尼明顯拍一個速度高既球員好過拍一個高佬(euro04拍奧雲效果唔錯)
左翼俾正宗翼鋒唐寧上, 但都係果句
艾歷臣唔試, 我地個個都吹佢唔帳
