引用:
作者: gingq7
連睇4集, 一頭霧水又唔會, 但我已經分唔清究竟係我當年睇完S1和S2後唔記得, 定還是真係無在動畫內無講過
但我又唔想巢返S1和S2重睇...
|
利申:我都係喺三期開始前幾個禮拜惡補返魔禁一期同二期再加電磁炮一同二期先開始明發生乜事。
阿水同神崎一樣係「聖人」,總之就係同一方一樣好屈機嘅存在。阿水就咁用手將成舊石柱掟落左方度,一嘢將左方下半身壓扁。
引用:
- 土御門唔係英國清教既咩? 點解會係學園都市暗部?
|
土御門身為雙重間諜,平時學園都市提供咁多情報俾佢去打羅馬正教,咁點都要做返啲嘢回報返學園都市啦下嘛?你估啲情報免費架?
引用:
- Last Order唔係跟住一方通行? 點解又分開左
|
蘿莉被Index解毒後受青蛙醫生保護中。記住,而家嘅故仔同二期完結經過只得幾個禮拜而已,就算重逢都要等隻蘿莉出院先啦。
麥野同炮姐對決已經係差唔多兩個月之前。創作上鐮池係先喺小說介紹麥野佢地,之後先有「超電磁炮」外傳漫畫再度登場,但時間點外傳係遲正傳好多。
引用:
- 濱面仕上我完全無印象.....吹寄我又係完全無印象....
|
你冇印象係正常嘅,因為濱面喺小說係而家先正式登場。
吹寄為右手哥學校班長,二期大霸星祭篇短暫出場過。