[Kinny Riddle]

今日睇咗

劇本算係比電視版有進步，不過我好似睇唔明佢最後係發生緊咩事。

劇情

「深海戰艦 = 被擊沉艦娘」呢個梗好多同人故事都用緊，所以官方動畫起用唔出奇。

亦因為呢個梗，如月先有機會再登場，不過係以深海戰艦嘅身份。

加賀話如果要令深海化嘅艦娘回復原狀嘅話，就必須喺戰鬥中將變成深海戰艦嘅佢哋再擊沉。但冇具體講明擊沉之後係點變返艦娘，或者點樣被同伴搵返。

吹雪進入鐵底海峽嗰幕唔係好睇得明。即吹雪以前同加賀一樣亦曾經被擊沉過？定係講緊吹雪嘅「前世」？（即史實嘅太平洋戰爭嘅吹雪－史實佢亦係喺真正嘅鐵底海峽度沉沒）

被擊沉後一分為二，然後光明版嚟到鎮守府，黑暗版就變成深海戰艦留低喺鐵底海峽，但之後冇解釋點解吹雪可以再同佢「合體」，同埋點解「合體」後附近嘅深海戰艦，包括如月，會全部消失。

亦冇解釋當初點解海峽附近一帶嘅海會變紅，同埋點解會突然吸引班深海戰艦嚟到鐵底海峽。係咪因為吹雪接近，同深海版產生共鳴啲海先變紅？

深海戰艦如月消失後，「轉世」回復艦娘身份，呢吓都預咗，但都起碼俾多啲筆墨。

角色方面

主角群大致冇乜變化，當中加賀x瑞鶴就特別多閃光。呢兩位快啲結婚啦。

劇場版多咗幾個艦娘睇（鳥海，加古，青葉，鈴谷，熊野，天津風，時津風），但亦因為咁，電視版嘅配角角色戲份亦少咗（川內，大井，北上，翔鶴，第六驅逐艦等蘿莉）

（花田你條雜碎，有乜理由可以大幅減少電漿雷漿響漿戲份架？！得返曉漿咁少出場時間唔夠喉喎。）

不過始終都仍然冇機會見到近排人氣高嘅艦娘（鹿島，浜風，時雨，朝潮，曙，潮），如果出電視版二期或新劇場版，希望可以追加佢哋。