包租婆原來咁有錢。
哥哥今集都幾可愛，濫用國家特權去擔心個不斷自毀嘅弟弟。之後被個女同事挑逗，叫佢得閒一齊出街飲。
今集大致上跟返原著Dying Detective（垂死的偵探）
原作劇情
該故事反派名字亦係叫Culverton Smith，一個曾經喺東南亞住過嘅醫生。
福爾摩斯懷疑Culverton利用佢喺東南亞認識嘅罕見毒藥謀殺佢嘅親戚。Culverton受唔到福爾摩斯不斷咄咄進逼嘅調查，於是決定先下手為強，將一個隱藏毒藥嘅陷阱刀片包裹寄咗俾福爾摩斯。
當時華生已經搬咗出去住，所以唔知來龍去脈。包租婆叫佢嚟見福爾摩斯時，福爾摩斯已經臥病在床。華生雖然好擔心想幫佢睇病，但福爾摩斯以自己感染嘅疾病傳染性高為由，拒絕俾華生接近佢。福爾摩斯只係叫華生請Culverton過嚟，但叮囑華生喺Culverton入嚟之前搵地方匿埋偷聽。
Culverton得悉福爾摩斯瀕臨死亡後，非常興奮地上前探望。由於佢以為當時房間冇其他人，於是就好爽快地承認過包裹落咗劇毒，以為福爾摩斯反正就快死去，死無對證。
點知原來福爾摩斯一早料事如神，知道個包裹會有古怪。於是將計就計詐病去印Culverton自招罪狀。而一直匿埋嘅華生就係最佳證人。
上季尾段已經暗示會有第三個福爾摩斯兄弟，但居然會係妹妹。雖然估到上集嗰個巴士女人會有古怪，但冇諗到佢就係福爾摩斯嘅腹黑妹妹Euros。
除咗咁不特止，佢仲要係假扮成華生嘅心理醫生同埋Culverton個女，去引二哥去破案。
可能Euros係Moriarty嘅手下，Moriarty先知道咁多Sherlock嘅嘢，並不斷設「遊戲」同Sherlock鬥智。
