http://hk.apple.nextmedia.com/templa...=45&coln_id=20
隔牆有耳： TVB新聞部 新年逃亡潮
新一年新聞主播、記者大逃亡， TVB人氣女主播郭詠琴去年 12月 31日最後一日返工，因此大家今年睇 TVB新聞，再睇唔到佢上鏡，八方聽聞郭詠琴轉新工去金融機構做公關。
除咗主播， TVB新聞部幾個男記者都會離職，汶川大地震時行入震央嘅柳俊江會去愛護動物協會；黃家俊稍後會去港鐵公關；陳嘉銘據說也會起身，當然係有份好工等佢做啦。咁多人另謀高就，線人報料，話新聞部近日工作氣氛好差，士氣極度低落，有人質疑話事人編配工作安排，個別記者、主播多好多曝光機會，長此下去，逃亡潮好難停止咁話。
終極一擊，柳俊江在網誌爆大鑊，指 TVB新聞節目近年不斷改革，然而「中興」不長久收視率一去不返，佢認為記者淪為「車衣女工」，採訪變按上司指示「照單執藥」有關，又形容新聞部「太一言堂」，結果自招「 CCTVB」惡名。
