講人先：
Mike：主要都係講佢變咗有異性冇XX，但後段患難見真情，呢度寫得幾好。
El：呢一部成長得最多嘅角式，由「好打得」變咗要畀人救；另一方面因為 Max 嘅關係，變返咗一般嘅少女，有老死，見識呢個花花世界，唔再凈黐住個男友，反叛老豆到因失去而心痛，寫同演都好，無咗上一部好受非議嘅 solo mission，去到中段令到個故仔展開同緊張好多。
Luke：呢一部開頭做 Will 個「損友」，之後無乜嘢做，除咗一兩個鬼主意之外，繼續幾路人吓。
Will：呢一部唔再玩「鬼上身」都好嘅，因為真係玩到厭，除咗寫到佢比較「遲熟」，留戀細個時嘅「好時光」，到尾佢明白到要長大。不過大部份除咗做怪獸預警雷達之外，實在無乜用。
Dustin：另一個大唔透，開頭最爆係話佢識到女仔，而其他人當佢老吹。到最後佢女友正式出場，又真係幾萌，不過最正係最危急關頭，係都要「唱K」，尤其係當映住架車車畀隻 mind-flayer 死追，好緊張，一路播緊佢倆件嚮度唱 Never Ending Story，完全格格不入，直頭大聲笑咗出嚟～ 不過可能見佢同 Steve 夾，尤其佢同 Erica 一對，襯返 Steve 同 Robin 呢一對，又幾有趣；到最後都無得同其他「細路」合力打怪，有少少可惜。
Max：都係襯托 El，同群戲為主，佢呢部經過咗巨變之後，希望下季會多啲發揮，始終覺得佢同 Luke 嗰個年代無乜可能，而呢方面寫得又少。
Joyce：佢開頭唔接受 Jim，到最後失落，因為劇本都係集中同 Jim 嘅關係度，收晒上兩部啲「癲婆」戲，反而突出佢個自信同堅強，都好。
Jim：演一個唔識同個女相處嘅老豆內心戲，去到中段担起蘇聯佬條線啲動作戲，證明 Hellboy 出事唔關佢事。
Nancy：最重「女權」陣除嘅角式，嗰個時代係咁，職場性別主義係好嚴重，又無話佢最後證明到畀班賤男（前）同事點點點，焦點放晒係搵件事嘅真相，之後畀怪物追，同埋保護班細嘅，解決怪獸危機嗰度。
Johnathan：都係繼續弱氣無乜個性，職場上繼續蝕底畀人洽，又無 Steve 條線咁好玩，只係配襯角式，咁搞法下一季係咪輪到佢出事？
Steve：由乞人憎嘅角式，到呢一部多好多發揮，更加搞笑，佢同新角 Robin 好夾。
Robin：佢出場都好搶 Steve 鏡，其實係隱藏咗嘅 nerd。估唔到佢係個 lesbian，有啲意外。
Erica：串咀，數口好，有經濟學天份；上一部無乜戲份，呢次佢同 Dustin 都好夾，另一個新配對可能。話時話，乜一個小鎮入面有咁鬼多 nerd 嘅？
Billy：呢一部其中一個奸角，中段開始寫到佢好有威脅，點知特登寫到佢留返嚮度，要嚟最後派個便當；不過加插咗佢嘅「童年陰影」，充實返個角次。
故仔：
蘇聯佬：初初唔多明個故仔預佢發生嚮 Hawkins，點會賴到去蘇聯咁遠，跟手先揭露原來蘇聯佬成功入侵 Hawkins，仲運咗大把人設備同武器入去，乜美帝啲邊防咁差嘅？又無點講明明蘇聯嗰邊都有個窿唔搞，要山長水遠走過嚟搞？個動機係乜？啲綠色嘢係乜嚟？無解釋。
用無線電發暗號，又話有咩最隱敝基地，點知畀兩三條細路輕易破解發現潛入仲要走甩埋，跟住又畀兩件大叔大嬸同樣輕易入侵到，You have one job! 個開㝫機令人諗起新亞力瑪支超級米加粒子炮。
美帝嗰邊都係無能，畀班蘇聯佬成功散水，一心諗住班蘇聯佬會畀隻大怪凌辱，點知無發生到。
上一部隻 mind flayer 得個影你睇，好似好大件好巴閉咁，今部現咗真身就差好遠。
去返一般怪獸嘅層次。不過唔係話無乜威脅性，尤其當 El 無咗能力，幾乎無得打。佢搞到部份人受佢控制變喪屍，可以玩一晚當大部份居被佢控制，變晒超級喪屍去追班主角，好似入面玩 D&D 講到咁，而家變晒一堆血怪砌成隻 mind flayer 就嘥啲。
