[david]

譚詠麟撐警激嬲多年Fans 打爛珍藏唱片洩憤

200萬人上街反送中惡法，政府繼續無視市民聲音。警方不但多次暴力對待採訪記者，甚至向市民使用暴力，人神共憤。
相關新聞：【引渡惡法】撐港人諾貝爾和平獎得主投身社運逾40年 主張廢核裁軍

然而，建制派立法會議員何君堯與親中團體「香港政研會」今日下午3時於添馬公園舉行「撐警集會」，譚詠麟（阿倫）、鍾鎮濤（阿B）及陳友亦有參與集會，阿倫及阿B又上台撐警，阿倫表示不想涉足政治，但又稱：「再咁落去，香港無得救。再搞落去無人管治到香港。」而阿B在台上表示要講的是正義，希望子女能知道對錯，他又斥現時年青人「九唔搭八」，強調孝順父母及奉公守法是理所當然的事。




阿倫、阿B撐警令多年fans憤怒，紛紛在阿倫facebook洗板鬧爆，不少網民稱從小喜歡阿倫，但阿倫今次公然站台撐警，不分是非黑白，令歌迷極為失望，不少歌迷將阿倫和阿B黑膠碟和CD拗爛洩憤，棄掉二人所有唱片外，更揚言要罷聽二人的歌。
相關新聞：【引渡惡法】諾貝爾和平獎得主冀港人堅持非暴力爭民主：團結可改變世界




其中讀者陳先生向《蘋果》表示，有錦綉花園街坊看到今日撐警集會新聞後，開車碌過阿倫和阿B的珍藏CD，陳先生說：「我哋屋苑有個facebook群組嘅，有街坊開車碌過阿倫同阿B嘅CD，其他街坊睇到個post，都留言話好欣賞開車嗰個咁做，封佢做偶像咁話。」




有網民氣憤得用鐵鎚將阿倫CD扑至粉碎，也有不少網民將阿倫和阿B唱片掉落垃圾筒，然後將照片和片段放上阿倫facebook鬧爆阿倫，又轉貼「我慶幸自己選了張國榮當兒時偶像」字句。另外亦有網民拿出大量阿倫黑膠碟扑爛，又將劉美君的舊黑膠粉碎發洩。




其他傷心歌迷留言就包括：
「今日睇到呢張相…我直頭去到超級討厭你…好想嘔…我對我鍾愛咗你20幾年……覺得好遺憾……但好多謝係我有生之年……你現哂形…以後我一定唔會再聽你任何一首歌……因為一聽到你把聲見到你個樣已經想嘔…88。」；「好失望……《廢青》呢首歌係你唱嘅……點解同你今日講嘅嘢可以差咁遠？而家年青人就係『努力用青春追夢爭拼』、『不甘被操縱 卻要信爭氣』，但你今日竟然撐警講啲咁嘅言論？唔講政治卻為政治站台？你仲有咩資格去鼓勵年青人？你仲配得上唱呢首歌咩？」；「真係好後悔做咗你歌迷咁多年，以後唔會再聽你任何一首歌。」；「 譚詠麟你話你年年25歲，但係你已經變成老懵懂，你今日傷害咗支持你嘅歌迷。」

譚詠麟撐警稱不談政治 黃耀明反駁：你踏進這個公園已非常政治

30年前六月四日，寫下近代中國令人痛心一頁，香港藝人發起《民主歌聲獻中華》聲援學生，出席藝人多不勝數，今日有份出席的撐警集會的譚詠麟，當年亦有份在台上演出。30年後，仍在六四燭光晚會上的，只剩下黃耀明。
相關新聞：【引渡惡法】撐港人諾貝爾和平獎得主投身社運逾40年 主張廢核裁軍


譚詠麟今日在集會中，講到不想談政治，30年前曾於阿倫同台的黃耀明，今晚在IG發文開導，明哥指譚詠麟口中的「不想談政治」是自欺欺人：「不想談政治？當你踏進這個公園，踏上這個舞台就已經非常政治，何況你不談政治，政治會找上門，所以不要掩耳盜鈴，自欺欺人。」





而對於譚詠麟在集會上提到「再咁落去，香港無得救。再搞落去無人管治到香港。」明哥亦反擊說：「法治的社會不單是靠警方維持，警方只是執法機關；法治是一個獨立公正的司法系統，其核心是獨立公正的法院審訊。警察有過大的權力或濫用權力，香港將會變成一個Police State警察社會，然後就變成極權統治，跟法西斯一樣。極！度！危！險！」

正所謂，十年人事幾翻新，更何況三十年呢？佢O地奶共，甜頭一定比得失反送中O既零星小眾為多，都聞到棺材香吶，要搵定棺材本都正常O既。