引用:
作者: 貓太部
鬥落去都係任天堂最長命，
任天堂係唯一靠自家game都可以養起自己部機，
又唔衝高機能，成本控制穩定，唔好賣極有個浦，失敗最多賺少啲，
衰幾多次都得，容錯率好高，最抵死佢間唔中又可以整d爆炸嘢出來，一爆對手就頭痛～
sony要靠第三廠，機能想行弱d都唔得，要盡量食哂第三廠，
身不由己，一出新機，宣傳鋪天蓋地，賣唔夠數，一少咗第三廠，佢就大檸樂，
一次都未必輸得起～
而家xbox都好似冇咗衝勁咁，公司係有錢，
但可能覺得做咗咁多嘢後個回報都係咁.....
switch係咪算「退」？其實可能重塑遊戲界都未定～
|
我就咁睇~ 如果單單就遊戲公司的角度黎講任記的確係三主機廠中叫坐力最強的, 但以現今塑做主流遊戲市場能力的角度黎睇, 任記其實早已失去左大量的既影響力(Wii的超成功對主流遊戲的影響不見得有多大就是明證). 只要遊戲圖像上的進化一日未去到盡頭, 相信一直都係會係主流家用機所需要的, 而任記自N64同GC的重奪一哥失敗後, 明顯亦無再以挑戰一哥為目標而專心發展自己的市場了吧~
再講如要說Sony同Micosoft要靠第三廠, 但同樣反過來第三廠都要靠有能力成功帶起買氣的主機廠, 而家用機主流就只有PS同XBOX, 所以現今第三廠根本無其他選擇~ 而單就Sony黎講, 由PS時代就已做家用機一哥為明確目標, 因此亦相當努力地建立自主遊戲IP, 現今可以話PS系第一廠遊戲已可獨當一面了.
老實講如要話任記可重塑主流遊戲界, 那我覺得至少要能改變主流玩家對遊戲圖像的追求, 有成熟的網絡配套, 同有第三廠的大力支持. 但這在我看來似乎有點不切實際吧? 我覺買部Switch為單純享受任記遊戲帶比玩家獨特的體驗好過啦~
客觀而言任記係由主流「退」, 而在非主流「進」吧?
