Games Animation Forum

查看單個文章
舊 10-12-18, 09:54 AM   #4
蛋撻王子
God of Gamer
功德完滿
 
註冊日期: Mar 2007
文章: 11,953
《今日既法比加斯真係唔及得上一個佐真奴?》



自開季至今,車路士陸陸續續開始同一啲合約期即將屆滿既球員進行續約談判,近日先後成功與柏度以及年輕小將安柏度續約,而岩岩亦傳出即將同馬高斯阿朗素簽約,反觀其同鄉法比加斯既既續約好似遙遙無期咁,而言今季哩位西班牙中場既正選位置被新加盟既佐真奴所取代,莫非離隊只係時間問題?

自沙利接掌藍軍帥印後,隨即第一單收購就係由鬧翻既拿玻里帶黎左舊部佐真奴,其實有留意開「沙利波」既球迷都知道,佐真奴喺沙利既戰術入面係擁有非常重要既核心地位,無論係策動攻勢、梳理中場、控制節奏等都一一由佢負責,而哩啲職責過往喺車路士入面都係由「傳送大師」法比加斯所掌控,依加法比仔既上陣時間什至比起巴克利更為之少。

其實佢喺季前熱身賽係有唔少機會上陣,只不過一開季既時候不幸受傷養傷左一段時間,係直至上個月中至復出,不過喺一啲有份上陣既盃賽賽事中睇得到,法比加斯喺沙利既戰術體系入面踢得比起干地任教時較為輕鬆舒服,位置上逗得比較深,再加上依加打三中場分擔返以往打雙中場既防守重任,令到佢更君可以全心全意地喺後場負責派牌發板,回復返過往進攻多於防守既助攻王本色。

如果要比較佐真奴以及法比加斯之間既分別,唔少球迷都認為前者較多「擦數據」式既傳送喺度,的確佐真奴係比起法比加斯較多與隊友之間既互動短傳,而後者好多時拎到個波都會交啲「一腳波」直入對手心臟地帶,較多長傳比走位中既前場隊友,即使交唔到都會控一段時間先交番個波出黎,只能夠講兩位都係當今球壇上出色以及具質素既中場球員,而踢波既風格唔同。

球迷們無疑希望球隊同時擁有兩位大師級人馬作輪換,只不過今日既法比加斯都經已只踏入黃昏之年三字頭,根據球會過往既續約政策就只會同年過三十既球員續年簽訂一年新約,政策上始終未必會長留佢,加上西班牙人既週薪喺隊中黎講都算係高薪一族,續約談判中必定會喺週薪上作一番拉鋸,而且AC米蘭亦一直有關注其情況,亦有意將佢收歸旗下。

是去是留,相信好快自有分曉。

文章最後更新時間 : 11/10/2018 14:00

Fanpiece - 藍獅: https://football.fanpiece.com/bluexl...-c1331867.html

我自己都好鐘意法比加斯....
但歲月無情
如果有能夠比佢上場既賽事都想多可以多D機會


__________________
馬娘
ID: 811 322 636
蛋撻王子 目前離線   回覆時引用此篇文章
 

返回主題: 車路士球迷會Vol.36 ~杜曹執教後第一場勝仗 舊將被重用及重生~