Games Animation Forum

查看單個文章
舊 09-10-14, 02:01 PM   #1
歌絲˙暮斯
The One
一擊格神
 
註冊日期: Feb 2003
文章: 21,203
PSN  IDKENZHAYA
[因父之名] X 得太快 ?

是咁的

引用:
作者:
以前起澳州曾經自己租一間屋, 再分租出去. 有一次朋友搭下搭下租左俾兩個女仔, 剛 U GRA 去 WORKING HOLIDAY既香港人.

其中有一位, 佢同我都叫大家有好感, 但因為當時我未有車, 而且工課壓力都幾大, 係無可能好好照顧佢, 而佢本身有唔同地方想去, 大家都知無乜可能會長久. 又有 D 誤會(原本同我一齊租屋既另一個 HOUSEMATE 中意我, 佢以為我地有路), 有坐低傾大家都中意對方咁, 但都係無野發生到, 佢住左兩個月就出發去下一個 CITY.

過左幾個月, 先知原來佢地有因為我而對罵過. 我打電話同佢 SAY SORRY + 解釋返, 係自己處理唔好. 佢都原諒我, 不過人都走左, 所以都無乜太多野講.

一年之後佢行完原先既行程, 返香港做野, 巧合之下佢有我 watsapp, 咁就又聯絡返.

佢都有表示想再見我, 我當時又未走得, 只係話我都想見佢 (當然仲有其他 ).

直至兩年前有屋企既事要返香港, 出發前一段時間我都一直同佢有聯絡, 佢係排名第 3 左右 .

但因為上一位女友先, 所以返來之後就冷落左佢.

雖然話冷落, 其實都有見過幾次面, 當然無亂來, 不過都知其實佢對我既感覺其實幾好.

咁好啦, 幾個月前上個女友 game over. 就搵返佢, 又見左兩次面, 我好直接咁問不如拍拖囉, 佢又話好, 咁就拍.

SORRY , 好長, 呢度先係正題

佢係比較被動, 保守, 文靜, 怕羞既人. 佢同我講野, 都唔係成日會望住我.

而一直都唔係 RANKING 上排第一考慮, 係因為佢有幾大既基督教影響, 食飯前祈禱, 沖涼時會唱詩, 教會活動查經都有唔少咁. 而我地之間, 由認識開始到拍拖, 都無傾過呢件事, 我盡力唔去提, 佢食飯前祈禱我跟住做. 我亦唔肯定佢本身有幾重視呢件事.

為左表示誠意, 我買左條唔平既頸鏈俾佢, 佢好中意, 但係嫌短左 D.

知佢係保守, 所以我亦唔會好亂來, 拖手, 俾佢挨過來, 繞手行街, KISS 額頭, KISS 面.

佢亦都開始講多 d 佢既野, 佢屋企既野, 唔會隨便同外人講既野. 大家會 plan 去旅行, 如果當時搶到 fanfare 我地已經去左.

最近先真係 KISS 佢, and then 抱佢, 兩隻手係[無]亂來的 , FRENCH KISS 都無. 當晚佢戴住條鏈見我, 叫我拿返去做 REFENCE, 揀條長 D 既.

之但係, 最近最近, 佢突然間話未準備好, 想自己冷靜下, 我嘗試 watsapp 佢, 打過一兩次, 都係唔得, 咁我都知唔好迫得太緊, 俾佢冷靜下.

之但係又擔心, 自爆話自己公司 pw 改左佢名同生日

就係果日佢 fb block 左我. 但 watsapp 又無 block, 我留左個 voice message 話會寫封信俾你, 希望你會聽我講幾句.

想問,
1) 基督教既影響到底有幾大 ?
2) 對於保守既女人, 以上做既野都係一個月內發生, 係咪太快 ?
3) KISS 佢亦唔係唔中意, 吊佢癮佢會咀返過來. 我本人唔係特別好 FRENCH KISS, 當時只係問佢想唔想. 咁會唔會太過份 ?
4) 抱佢時我手無亂來, 但佢應該 FEEL 到我扯左囉 , 對於保守既女人, 仲要有強烈基督教影響既女人, 會唔會構成好差既感覺 ? 覺得我只係好恨同佢 ?

此篇文章於 09-10-14 03:47 PM 被 歌絲˙暮斯 編輯。
歌絲˙暮斯 目前離線   回覆時引用此篇文章
 

返回主題: [因父之名] X 得太快 ?