最近用吉仔,連續多場俾人打到落花流水,總結其中一個原因係對方嘅坦渣太過利害,如果己方嘅狙機冇制壓佢,就會變得好難打。
只要中左佢嘅連橫炮,又有其他機加多一腳,多數都實死冇生。試過用BZ喺中距離向坦渣施壓,結果變成佢嘅目標;又試過打埋身,坦渣嘅反格又打得人好痛。
結論係,見到坦渣唯又避開,不過咁打都唔係辦法,會變得好被動,求隊友不如求自己,唯有改用炮吉試下。
我用炮吉嘅打法,以制壓對手狙機為優先,又以坦渣為第一目標,主武裝又以水槍比豆槍好,LV5水槍只要唔好不停連射,瞄準嘅一秒半秒時間已經足夠cool down,變成可以無限字彈不停射,對手命中兩下已經等如一下BZ,用黎對付要埋身嘅敵人或者追擊逃走嘅敵人好有效。
冇左對方狙機嘅攻擊,友方前線可以發揮自己真正嘅實力同敵人戰鬥,如果好彩壓退左對方狙機,就可以幫手支援前線,要時刻留意雷達,實有格機想沖過黎偷襲,招數都係dash過黎dash cancel出刀,被盯中就無得走唯有用反格試下中唔中,有啲精啲嘅就會用dash + 三角沖埋黎,搏你出左反格冇得再反,如果有對手中過你反格就唔好再反,試下同樣用dash + 三角避開,再用有盾一面向住對手,頂得一時得一時,等有機會反擊或者友方支援。
改造方面,試過加攻加守唔同嘅組合,以加全力加攻擊力比較有效,加埋爆頭爆腳部件,有剩就加下實彈甲以防坦渣,LV5炮吉cost200,通常死因係俾格機突襲,對手連assist都未必攞到,所以加左格甲死唔去俾人執死雞輸埋assist仲唔抵,就算死唔去不如重生好過花時間修理。
|