曼聯想同福仔續約 但出手好寒酸
曼聯前鋒拉舒福特今季大爆發,近9場比賽更加射入6球,加上佢份合約只剩下18個月,紅魔鬼已準備開出新約,綁實呢位21歲英格蘭新星,人工由現時7.5萬鎊,加上一倍至15萬鎊。
曼聯前主帥摩連奴重金簽入盧卡古、阿歷斯山齊士,表現都令人好失望,原來球會自家青訓產品拉舒福特先至最好。特別係蘇斯克查執教紅魔鬼之後,更加重用「福仔」,佢亦不負所托,上場英超射入世界波,擊敗熱刺。
不過,曼聯今次續約出手似乎略低,即使增加至15萬鎊,但相比起保羅普巴、盧卡古接近30萬鎊周薪,仍然少一大截,更加唔好同50萬鎊周薪嘅阿歷斯山齊士比。
以拉舒福特現時表現,相信唔會「賤賣」自己,睇來曼聯都要準備加碼,先至有望留住佢。
|