[Apricot]

我覺得r2差反而並唔係因為魯魯修死，事實上樓上有人提二戰後ge種種「唔和平」，但無諗過倘若無二戰在前比大眾反思，美蘇會唔會大打出手變成世界大戰
r2真正唔得ge地方，係佢戰略思考極其粗劣，根本係為劇情而棄立場戰略

最明顯就係黑騎夾埋二皇子打魯魯，腦殘低能至極點，二皇子手上拎住フレイヤ呢種戰略兵器，威力向東京決戰，炸皇都已經充分體現，任你戰術再高係戰略兵器前都係束手無策
相對魯魯修頂多只有geass，唔直接見佢面就無用，頂多小心提防佢控制d手下，叫全部人有理無理幾時都戴副超就得
呢個時候黑騎應該點做？好明顯就係放低私怨同魯魯修聯手打低左二皇子消滅左フレイヤ先，跟住先到次要敵人ge魯魯修

ok，當黑騎真係咁無腦毫無戰術思維(但藤堂同星刻又講到好鬼醒架喎)，二皇子呢個boss應該好有腦掛？
當你二皇子話魯魯修而家唔叫正統，拎NNL出黎做皇帝，打正統プリタニア旗號，咁你係咪可以聯絡班舊圓桌一齊起事啊？
由得班圓桌走去送死，自己仲向度食花生，最低限度係咪應該反省下自己點解唔搵人啊？家陣フレイヤ唔係機關槍可以喪連發，要搵人擋魯魯修攻ダモクレス架
而事實上呢條友淨係掛住研發フレイヤ，一d私人軍隊都唔見果下，已經可以肯定佢係半個廢物…咁都做得final boss真係唔知有乜好講

r2好明顯將果d擺乜陣乜陣就當成戰略黎應付觀眾，倘若你呢d位搞得好，無戰略都仲有戰術睇的話都仲可以忍下你
無奈新機不斷推陳出新，後尾果d聖天八極式都唔知叫戰略兵器定戰術兵器，一騎當千都嫌唔夠形容佢勁，咁d乜陣物陣有咩意義？
唯一合理解釋就係code geass世界污染好嚴重，又鉛中毒又乜又物，所以全世界腦殘先可以有咁反戰略反思考ge劇情走得出黎……