十一月，你碌大眼望清楚
留言話我無情無義話我涼薄在先，我話佢地呢D行為係偽善在後
照你咁講，咁邊個挑機先？
學#7 Eking話齋，你同佢好熟？咁清楚？
ZeroChow一句埋黎就話kf
以上面兩位既思維：咁你地同個犯好熟？個個咁為個犯護航，網絡打手乎？收左錢？
連代答都出埋，你代表到我？
我成句係「會反省會懺悔是否等如宜家做乜都得？咪等日後受良心責備，去反省去懺悔囉，咁樣？」
ZeroChow就話係識懺悔既無敵kf，咁邊個斷章取義先
呢D小學生問答玩法，咪當我唔識先得架
咁鐘意玩回力鏢丫嘛
上面呢D一樣可以套番係你地身上
成個回力鏢插係身，痛嘛？
郁下D貓狗都話人冷血虐蓄啦
何況係斬死佢自己阿媽
重要係斬頭喎
咁認為個殺人犯係冷血先係常理吧？
你地個個為個犯護航，甚至有人同情佢，希望佢判少D，咁呢D唔係擺明偏坦係乜？
個兇手唔係冷血係乜野？溫情洋溢？
同情個殺人犯先令我覺得奇怪
上面話我無情無義涼薄，我都係話佢地咁係偽善姐
點知一句偽善就引咁多人出黎，個個玻璃心乎？
唔同情個犯就叫無情無義涼薄
認為個殺人犯係冷血就係無情無義涼薄
我反而認為應該重判，始終係殺人，你都唔想有個斬到佢自己阿媽就黎甩頭既人周街走架？
歌絲˙暮斯板友
如果第4句改為 "大家同情呢個殺人兇手"
第5句改為 "甚至想將件事賴落社會既錯到"
咁會重接近我對呢件事既想法
閣下所言"雖然, 死, 從來都係最終極既逃避手段, 但對大部分人黎講, 應該都係最後最後先會考慮既."
同我想法不謀而合，犯左罪殺左人，又唔想入去，途窮末路，唯有奮身一躍，終極一跳
點知死唔去咁解之嘛
醫生有醫生既責任，就算係殺人犯，都要救
警察有警察既責任，就算明知兇手係佢，都要比個官判
官有官既責任，點淒點慘都好，犯左法就要按刑責判罰
之後剩低果D，咪搵社福界人士幫手囉。因為呢D係佢地既責任
同唔同情個犯，根本唔關事
社福醫既問題固然係要解決
但唔代表我要同情個犯
殺人解決唔到問題。當然，如果果個「人」就係「問題」既話，咁咪好似事主咁囉
呀重有，如果唔係佢殺，咁我就真係同情佢；比我當佢係殺人犯咁睇
