曼聯買人冇飛屎 C朗隊友寧去卡塔爾!
曼聯剛於英足盃作客砌低阿仙奴,蘇斯克查攞到上任後八連勝,但球隊後防較弱係不爭事實,蘇B都要努力解決。
英媒表示紅魔鬼努力於意甲揀卒,睇中祖雲達斯中堅貝拿迪亞,但最後竟然爭輸畀卡塔爾球隊歷基韋亞。點解?當然係個「錢」字啦,曼聯畀嘅320萬鎊年薪少過歷基韋亞一截,故貝拿迪亞寧願去卡塔爾搵食。
到今年4月就32歲嘅貝拿迪亞係摩洛哥鐵血後衞,若曼聯成功以860萬鎊買人,將係一個不俗收購,但佢年紀唔細之下,人工當然係首要考慮條件。此外有意媒表示,曼聯亦曾出價收購費倫天拿後防尼高拉米連高域,但紫百合卻拒絕放人。
|