引用:
作者: Dreamcast肥仔
我都係甘話， ps2,3 果兩隻我都係玩兩下就放低左
反而nds 果三隻就爆晒， 好好玩
過幾日3ds 有新作， 可以期待下
月下如果全新品真係炒到痴線幾年前睇過基板有隻ps 版全新$1780 都無左
話說惡魔城個名日本都想統一埋叫做castlevania , 傷心
莎木揸車果度， 我都係近兩次爆機先可以拎到揸車比賽no. 1
終於拎到個no. 1 扭蛋， 之前成日衰係d 角位度
|
好在我對全新品冇慾望～
二手齊野唔好太殘我都OK了～
因為就算買全新番黎我都一定忍唔住要拆開入機RUN下佢。
惡魔城我對佢不再有期望了，我就當哩個系列完左算數。
講開莎木，我醒起佢哩個CONCEPT 既GAME 其實之前都有，即係生活化A-RPG。
分別不過佢轉用3D去做。
唔知大家有冇玩過一隻賽車GAME 叫「ZERO 4 CHAMP」？
哩個SERIS 由PC ENGINE 出到PS2，手機都好似有出過，我玩到PS／SS就冇玩了。
第一集PC ENGINE 卡GAME，第二集SUPER CD ROM，
第三集ZERO 4 CHAMP RR 同第四集RR Z響超任，第五集DOOZY﹣J 出過響PS 同 SATURN，SATURN 版叫TYPE﹣R.
講下超任RR，
哩隻GAME 原則上係係一隻賽車GAME，但佢入面包含左好多個MINI GAME ，以主角靠打工賺錢去玩賽車黎張所有MINI GAME 串連起黎擺響一隻賽車GAME 入面，非常之鬼材之作～
主角可以做既野係去考牌、麻雀館打牌、滅蟲、泊車、溝女、打坦克大戰GAME，而最重頭既就去做夜間大廈保安（RPG）。
響大廈入面蛇蟲鼠蟻、妖魔鬼怪、賊仔同無良商人乜都冇，主角要不斷UPGRADE 裝備一層層打上去，中間會有同伴加入幫拖。
不斷賺錢，就去買車、改車、賭車、參加比賽，直到成為賽事總冠軍。
而賽車哩PART 本身都係一個另類GAME黎。
車款包五大日本車廠，全部實名登錄
玩DRAG RACE， 分0-400 同0-1000, PLAYER 做既就係比油同盡快轉波，
勝負就取決於你轉波技術，當中涉及轉數TIMING、硬件改裝、動作反應，非常刺激。
馬力太大起步控制唔好會勁BURN TYRE咁就輸卵管。
裝左TURBO TUNE得唔好，攪到低轉扭力不足起步又會慢到蟻爛咁...
如果用MT，要踩CLUTCH 轉波，十字製就H-SHIFTER, 真係要先推左右再推上下黎入波。
去到中後期可以改裝做SEQUENTIAL ，快手好多。
隻GAME有時間同年齡計算，會一日一日長大，聽講玩到第四年都攞唔到冠軍，主角老豆就會叫佢去做汽車維修師傅作結，GAME OVER....
不過系列去到PS／SATURN 版就變得好冇癮，唔知點解一開機見到D個畫面想熄機....
