引用:
作者: 蒼之星雲
其實呢隻賣點係故事定戰鬥系統?
暫時見D Gameplay有D似online game玩法咁~
個人暫時觀感好似節奏有D慢
有無師兄可以分享下前幾作經驗?
|
兩邊都有,雖然我覺得故事唔係咁神
戰鬥雖然係AUTO但實際上齋AUTO攻擊係打唔贏
所以要用指令攻擊,1同X有8招,淨係揀邊招攻擊已經好忙,仲要走位
今集改左移動時冇AUTO攻擊,而且變成3*3=9招,可能仲忙過舊作
故事唔理1定係X我都覺得中上,但X的主線編排比1差,將其他種族的故事放左係支線,而1代就擺入主線
至於前幾作的共通弱點都係畫面比同世代的遊戲較差
而且齋睇片會覺得戰鬥好悶,要親身玩過先知道有幾好玩,同埋戰鬥時角色係咁出招講野好嘈
優點除左故事同戰鬥系統,上面都有人提左音樂係神級
另外就係地圖設計左好多好靚的景點出黎,個景係彌補左畫質一般的弱點
耐玩度我相信唔成問題,1同埋X我普通咁玩主線都要超過60小時先爆機