今日係NOKIA專門店見到Nokia Purity呢款入耳式的耳筒,
http://www.puritybymonster.com/en/#page_in-ear
由原本的HK$888(駛唔駛咁好意頭呀)減到$398就買咗。
買的原因主要係想試下用Monster出品的耳筒好耐,之前我都係是SONY的…
同埋個包裝盒描述到好似專為手機以設咁,特別係Windows Phone,咁啱我之前用開的耳筒都開始老化了就順便換埋。
可能因為減價的關係,我買的時候得黑、白、桃紅色3款可以選擇,
NOKIA官網就顯示另有淺藍、紅、黃等共6款顏色(不過店員就話香港從來都無返過黃色)。
由於我比較"好色"所以買了桃紅色。
其實我都買唔知點解一對入耳式的耳筒要用咁大個盒嚟包裝,我買部Lumia手機個盒都無佢一半咁大。
盒內有耳筒、一個保護盒、一個轉換插頭(比其他非NOKIA Lumia手機手機用)、5對唔同SIZE的耳塞同埋一本睇完好似無睇到一樣的說明書(重要的資訊都印在包裝盒上…)
對耳筒我聽咗一陣歌覺得都幾OK,比我之前用舊果對耳筒聽返同一堆歌有明顯的改進,亦可能是因為是新玩意帶來的心理作用吧。
(我主要都係聽Billboard Hot 100會有的歌多,對!我就係咁隨波逐流的了)
同埋佢可以直接用嚟接聽電話,線控個+-掣就用嚟控制音量,
中間粒掣我試咗一陣就發現有多個功能都可以靠佢做(說明書乜都無講…)
插好耳筒落手機後按中間粒掣就可以直接開啟Windows Phone音樂+影片APP聽歌/PLAY,
再按就係STOP,快速連按兩下就係播下一首歌,,快速連按三下就係播下上一首歌,
長按就係開啟windows phone voice search/語音指令功能。(即係果D打電話比媽媽之類的語音指令)
不過,我就未試到點樣可以用線控fast forward飛住首歌嚟聽了,如果有版友知道點做就通知聲啦。
其他資訊就係對耳筒係國貨嚟的,中國製的。
同埋有12個月保養(我之前買其他耳筒好似都係得90日保養)。
報告完畢。