[歌絲˙暮斯]

勁 wor, 識法律　

作者: 傑斯特

其實中國國籍法本身就極度「納粹法西斯」－－血統主義，而且係差不多先生「斷估」，1997 年政權移交果時，特區政府只係跟據你出生地，你姓名，你的外表，「斷估」話你有冇「中國血統」，去決定你有冇「中國國籍」。

中國對香港混亂的國籍承認制度，以及對護照的混亂承認制度，令香港人一直搞到亂哂

1. 根據中國國籍法，理論上中國唔承認「雙重國籍」，即係你一係「中國公民」，一係就「非中國公民」，之但係中國政府單方面不承認 BNO 以及透過居英權計劃領取「正式英國護照」的香港人於香港使用此護照的權力，而單方面把所有 97 前有中國血統的香港居民強行自己加一個中國國籍落去；簡單而言，如果你申請過 BNO 或 BDTC，又或者居英權或者移民，只要你冇「通知」特區政府申請「退出中國國籍」，則中國政府「死死氣」屈你係「中國公民」，而當你其他國籍唔存在。

2. 之但係如果中共認定你有中國血統，你想申請「退出中國國籍」，都係一件希特拉都 cut 唔到的事情，因為你必須提供證明，去入境處申請，你曾經正正式式去海外定過居，擁有當地的居留權，才能申請退出中國國籍；由於 BNO 冇正式的外地居留權（一些去歐盟曾經成功爭取歐洲一些國家國籍的另計），則入境處係唔會接受你申請

3. 香港身份證只係證明擁有香港的居留權；香港永久居民身份，只係證明你擁有香港永久的居留權，係同國籍無關的；因此你持有身份證，唔代表你係中國人，也唔代表你擁有中國國籍；你必須擁有中國國籍，才能申請「特區護照」－－全名係中華人民共和國香港特別行政區護照；因此喬寶寶夫婦，就不能申請特區護照，因為佢地冇中國血統，被視為冇國籍

4. 冇中國血統的人士想申請特區護照，必須先申請「歸化」成為「中國國籍」，即要根據大陸亦同樣在香港實施的「中國國籍法」，放棄所有外國國籍同護照（因中國理９論上唔承認雙重國籍），才能實施；呢個過程係非常難的，因為你冇血統中國政府理論上係要「特別批准」先會批，名人成功的例如盛智文和司馬文。沒有中國國籍的「鬼佬」，在香港係不能參選立法會直選，只可以在十二個功能組別（不包括 IT 界，多數係公司票果堆加法律界同會計界）參選，係連做直選立法會議員的權利都冇，被受歧視

5. 至於去旅行被視為咩人？則係睇你用咩護照入境當地；例如你擁有居英權，你不用香港身份證進入香港，而係用英國護照入境拎六個月免簽 VISA 的話，特區政府將會死死氣當你係英國人處理（當然，佢夾硬為了如佔中要亂拉你，就會變成外交風波）

6, 另一方面如果你持 BNO 或英國護照去香港以外的地方，則中國政府只有死死氣「承認」你係英國國民，唔受中國的「保護」或「管理」

by 林忌