西環觀浪差2秒險被扯落海 網民鬧爆跑步男女：唔好累人
引用:
天文台一早掛8號波，不少打工仔有額外假期，有人閒賦在家，但有人仍無懼危險，不聽當局勸告照走近海傍，險象橫生﹗網民Brian Tse在「小心駕駛」facebook群組上載一段短片，片中一對男女跑步期間，走到西環海傍觀浪，當時風大浪大，海面有白頭派，但該男子仍在距離岸邊幾呎提腳擺post，女子則離岸遠一點，但2人逗留約20秒就離開，轉身2秒左右，多個大浪湧至，連環冚上岸，2人走遲一步相信很大機會被捲走。
短片長約1分鐘，拍片者指西環風高浪急，「海面白頭浪，浪頭拍上碼頭，為安全著想，切勿追風，陣間追埋落海！」不少網民留言斥2人「死還死，唔好累到消防要去救你！」網民Aukwokwai Au亦在「小心駕駛」facebook群組上載市民到同一地點觀浪的相片，網民亦指「條命人哋嘅」。
另外，在「西環變幻時」fb群組，也有人上載市民到西環海傍拍照的相片，同樣被網民鬧爆，勸告「好危險，一轉風就食到應，離開碼頭」。
|
智將無下限
