引用:
作者: lovehinafans
鎧塚同希美既關係有講啊~
第一話同第四話唔係講得好清楚咩?
希美話自己已經唔係部員，唔屬於演奏部，唔想影響到鎧塚既表現而一直唔去搵鎧塚。
而鎧塚以為自己被希美單方面拋棄左，因而對希美相關既一切，身體都會作出不良反應，例如第一話臨尾一幕，當希美再吹長笛時，鎧塚聽到長笛聲時就表示好想嘔。同埋第四話，鎧塚再見到希美時既第一個反應就係本能地跑開。
所以，當希美離開演奏部後，就一直冇再搵鎧塚
理由係
希美認為咁做就係對鎧塚好，唔會影響到鎧塚既表現。
而鎧塚則認為自己係希美眾多朋友既其中一個，可有可冇，以為希美o趙完鬆，因而身體對希美既一切作出厭惡反應。
|
你所講既我都明, 只係, 我以"比較"現實的方式去睇, 當初佢地咁Friend, 而希美只係退部, 唔係轉校, 平時理應好多機會見到面, 打招呼say morining總會有掛, 除非鎧塚老遠見到希美就閃咁就無得講啦,
雖然可以話, 希美因為自己退部, 無面去見音樂室見班部員, 但都係果句, 同2年級同學碰面係極自然的事情, 點解二人好似從見唔到面咁.
至於你話,
希美話自己已經唔係部員，唔屬於演奏部，唔想影響到鎧塚既表現而一直唔去搵鎧塚, 呢點我唔同意, 希美當初只係話退部時唔想帶埋/影响鎧塚, 並唔係絕交, 有乜埋由退部後唔搵鎧塚呢傾計/食午飯等等呢
除非設定係一個高三, 一個高二, 咁個機會大一d, 依家仿似係希美係突然間彈出嚟咁
所以我先話呢到怪怪地
