[天野]

作者: 貓太部

越近發售日，我嘅血就越沸騰，
近排玩緊tob,玩到3x個鐘，個系統...算把啦，以前都仲好過而家，不過玩開費事停...
真好嘢，林克到今時今日仍然冇Lv計，Lv係簡單粗暴增加遊戲耐玩性嘅設計，
好多遊戲如果冇咗Lv，可玩性會低好多，冇Lv計算嘅ARPG，
可想而知個內容,系統要做得更好更豐富，
zelda有新game發售對我來講，比出新主機更重要，
從以前時之笛發售前夕已經諗，一生人究竟可以玩到幾多集zelda...
只有zelda先可以俾到呢種諗法我，
今次肯定又成為2017最佳遊戲，
zelda係遊戲界嘅藝術品～

冇難易度設定，制作團隊應該下咗不少苦工測試，
但zelda有一個好大弱點，就係睇住攻略去玩，
動作成份難度唔算高，但加埋解迷，要一個人自爆，絕對有難度，
非常喜歡以前未有網絡，攻略本又遲出時，同其他機友交流zelda嘅關卡心得，
用電話聯絡，或直接去相熟game店撞人請敎，好鬼正～
過唔到分分鐘幾日都係咁，又冇Lv升，但一樣玩得開心，
有時熄咗機後靈機一觸，再玩就解決到，
其實有時覺得，唔識日文有唔識嘅樂趣，
連提示都睇唔明嘅情況下，突破到迷題就更加令人興奮～

非常同意
我都成日話冇Zelda,我就唔會再打機
除左細個時要邊睇攻略邊打外
現在打機我都盡量唔睇
尤其是Zelda,d迷題通常都好合理
只要細心觀察環境通常都解到
呢個就係Zelda既好玩之處
冇耐性既人可能已經即刻睇攻略或放棄