引用:
作者: 仁飛
整套好感覺有好有唔好，不過都唔算太差，可以收貨
好既地方係有貫穿到成套高達00既重心－－溝通同理解先係解決紛爭既方法
而且外星人出現既理由都好合理，特出到套野想傳達既意思
水島玩到咁大但收到科，某程度上都真係成為左傳說www
而且節奏唔錯，成套戲感覺唔到咩悶場，笑位都唔少，至少睇完唔覺得悶。
 至於唔掂既呢（有劇透）
睇到出CAST個陣成場靜左，我諗大家都覺得個結局位好突然（雖然係有個X年後既真結局）
睇左成個幾鐘，其實都仲係講係溝通既準備方法，反而無溝通既過程，好似剎那一走入去ELS就受溝咁。係咪有Ｄ野漏左講？而且之後去佢地母星既理由又不明不白，感覺斷得太急，打得太多。
而且雙方開戰既理由，細心一諗都有少少搞笑
ELS：「我地黎傾計既咋，諗唔到會嚇親你地。順帶一提，我地母星文化好鐘意撞埋一齊，所以我地黎到地球搵Ｄ野黎同你地撞一撞，表示友好。仲有，同我地融合未必一定會死架，仲可能會勁左～」
地球人：「靠！可唔可以早Ｄ講！」
戰死的地球人：「那我們豈不是白死了！？」
睇完感覺就係咁，因為一場誤會引發的鬧劇.......雖然表達到溝通好緊要好艱巨，
但個理由可唔可以嚴肅小小.......
Ｄ戰鬥位好精彩，不過敵人太多太密，睇得耐會好累，同埋唔知邊個打邊個
另外，好多場面其實都係一個大畫面，然後一部機衝埋黎亂開炮再飛走，然後一堆ELS跟住佢咁
整體黎講都ＯＫ既，值得一睇
若果鐘意高00既話一定唔可以唔睇～
不過我就未必會睇第二次～
以下無聊感想反白(結局劇透）
釘宮好萌！
剎那既愛真係好大，就連花都可以(剎那：GN花粉授粉成功！）
剎那：「自從我溝左ELS之後，個人長生不老左，部機勁左，連個人都可以變做高達！計劃Tony！」
請問偽娘既意識係邊度可以download？可唔可以一家一台？
話時話，個幾十年小偽娘咪日日都同剎那一齊？又一個配對？ |
spoiler講既野
去母星既理由...其實都係互相理解吧www 點解剎那最尾要金屬化-.- 互相理解一定要融合架...?
