雪到僵硬 達美安返意甲搵食
冬季轉會市場過多兩日就重開,曼聯未買人,先要賣人,後衞達美安將會成為第1位被犧牲嘅球員。據悉,呢位29歲意大利國腳將重返意甲,加盟拉素。
達美安2015年加盟曼聯,除咗第1季比較多上陣機會之外,近3季都長坐冷板,上季聯賽只上陣8次,今季英超開鑼後亦僅4次披甲,早已成為紅魔鬼清洗對象,但一直未搵到球會接手。
拉素急需簽右閘,將達美安列為頭號目標,只要曼聯唔係索價太高嘅話,下月應該可以完成交易。
此篇文章於 12-31-18 09:48 AM 被 Busconcamp 編輯。
|