|
而家好多間KFC都冇乜人幫襯...但我覺得抵佢死0既...
沙田西田果間長期有位...
好耐冇食, 原來而家連濕紙巾都冇派...咁樣雖然係環保, 但真係好唔方便...(對一個人去食0既我黎講)
首先, 我一個人去食, 食左兩件雞先再飲野同食個雞皇飯. 但我對手油淋淋咁...想洗左手先再掂d餐具同杯, 但我得一個人, 冇人幫我睇住個袋, 又冇理由污糟手掂個袋, 要急急腳走去洗手....如果個袋俾人偷左都唔知點算. 另外就係, 我一起身去洗手, 已經有人黎收我d野...大佬, 你有冇腦架, 袋又冇拎, 野飲成杯滿, 飯又未食過你同我收野? 有時最憎d快餐店就係咁, 見你差唔多食完就企定0係你隔離, 當你個餐盤係獵物咁等住收. 你間野大把位, 洗咩咁快收呀? 更何況我只係去洗手, 所有野都係未食過, 你都夠膽走黎收....唉...以後一定盡量減少幫襯.
另外就係食物質素同服務質素.
先講服務質素, 今日去叫個1號餐(2件雞加個飯及飲品), 我話兩件雞一件要雞鎚, 一件雞上脾.
但佢一聽完我話1號之後佢就冇再聽我講野, 我講多次佢先話' ok ', 但個樣係冇心聽果隻, 已經走左去拎. 最後係一件雞鎚一件胸. 當時冇人架, 一d都唔忙, 睇住大把雞上脾....又唔係忙, 又唔係冇晒, 即係擺明做野得過且過就算...
再講講件雞, 嘩, 比我以前食果d油10倍, d油多到滴出黎....真係好驚....點會油成咁
我唔知其他分店係咪都係咁, 但西田lee間真係....
|
