[david]

建制議員被指始作俑者

巴士執正埋站事件，有指源於灣仔區議會，討論崇光百貨外的士違例等客，令巴士不能埋站。會上建制派獨立區議員伍婉婷指巴士站牌密集才令路面擠塞，又稱巴士司機若堅持埋站才上落客，就不會有乘客穿過行車線上車，要求運輸署改善。網民起哄聲討伍婉婷，她回應時則指，有關說法前設為先加強票控的士，又稱引起誤會感到不開心。

2月14日灣仔區議會發展、規劃及交通委員會會議，討論由區議員楊雪盈提出的書面問題，指銅鑼灣崇光百貨外8P巴士站，經常有的士違例排隊等客，致巴士未能埋站，乘客需到中線上落，伍婉婷亦有相似書面問題，遂合併討論。楊提出巴士未能埋站，導致乘客需到中線上落，會造成一定危險，建議運輸署將有關地點劃為24小時的士上落客禁區。

強調非投訴巴士司機

惟伍婉婷反對，指該處附近有醫生樓，現時安排能方便病人，更指「責任亦都喺巴士營運商度，如果個司機堅持要埋到站先上落客嘅話，就唔會要市民穿過兩條、三條行車線出去上車。咁呢個係咪運輸署都可以幫到手呢？」無獨有偶，新巴在會議翌日發出內部通告，指收到投訴崇光站有非巴士站範圍上落客，要求車長在正常情況下必須於正確位置上落客，加上昨日的抄牌事件，引起極大回響，網民起哄聲討伍婉婷。

伍婉婷回覆表示，當日會議上楊提到巴士中線上落客險象環生，她承認有講「請巴士司機埋站先上落客」，但強調非投訴巴士司機。她解釋，說話前置是要求警方就的士違泊加強執法，「如果（警方）加強票控的士，前面冇的士阻住，咁巴士都會埋到站，就唔會出現中線上落情況」。

對於巴士司機直指今次事件是由她的言論引起，伍指對於誤會感到不開心；又指運輸署就劃禁區與否的兩輪公眾諮詢，均是反對大過支持，「咁劃唔到禁區，運輸署同警方就要諗其他方法解決，依家攞議員喺議會上提出一啲建議走去斷章取義，嚟欺壓巴士司機？」
楊雪盈表示，事件最大責任為當局沒有執法，的士不能停車等客，惟警方絕少票控，才令巴士不能埋站。旁聽當日會議的東區區議員徐子見則指，焦點應放在運輸署規劃及警方執法上；巴士不埋站上落問題複雜，如8P線是使用12.8米巴士行駛，換線不靈活，亦與巴士線未能重組有關。

成功爭取系列