[沒名字的?君]

PS VR 初睇驗

今日去左SONY Playstation plus lounge
睇May N 現場唱歌
順便試玩PS VR

選左恐怖game
the school swan song

首先要配戴好VR
唔算好重 但要校好視點 同套緊
因為中途要向左右同上下望
然後再載上耳機就可以開始

遊戲控制入面除左用手制控制移動同方向之外
仲要用VR睇唔同方向先可以出現X按鈕調查物品同使用道具
而係對話時間就用上下望代表Yes 左右代表No

故事一開始就係半夜既課室
一出課室就會有女鬼以瞬間移動方式
主角就被嚇醒 然後發現只係夢
之後就正式開始同學生妹半夜校園探索之旅...☺️

故事入面有部分item係放係櫃桶入面
但係打開櫃桶之後 就算低頭見到有鎖匙
都會因為企位問題 要調節兩三次位置
先出現可以按X既情況

另外由於VR直接貼近雙眼
所以當跳樓女生鬼魂 滿面鮮血靠近
頭都只能移開小小
比平常用屏幕睇更加恐怖

另一隻事係PS VR畫面唔多清
有點VCD既感覺
而且雖然只係玩左十幾分鐘
但玩完後之後頭好暈

希望正式推出之後可以改善操作同頭暈問題