[ouki]

作者: someday

所以動畫版呢集真係要超級吐糟.
唔單止無解釋點解 Lancelot 會成為 Berserker, 亦無刻劃到 Saber 對上 Lancelot 其實係非常痛苦

Saber 一直當佢係好朋友, 一直認為自己當時原諒佢係出於好意, 唔理解 Lancelot 當時果種複雜矛盾嘅心情, 亦一直無理會到王后其實好痛苦, 亦無意識到當時佢身邊騎士同大臣們嘅心情 ... 所以佢先諗返起當年有人講過 "亞瑟王從來都唔明白其他人嘅感受" 呢句話. 當年佢懷住無比嘅決心拔出石中劍, 只係一心想做個人民心目中公正嚴明嘅理想國王, 不過結局變成眾叛親離, 王后恨佢, 個仔背叛佢, 圓桌騎士離棄佢, 連自己最好嘅朋友都選擇變成狂戰士去向自己報復. 其實可以話對佢一直以黎嘅信念嘅一個沉重打擊.

所以最後佢唯有同 Lancelot 道歉, 因為自己乜都補償唔到, 乜野王嘅理想都無晒... 只係一心想得到聖杯將自己從歷史中抹去, 果份決意動畫都無乜描述

Saber 已經乜都無晒, 無左朋友無左國家無左愛麗無左理想, 就只係剩得聖杯. 所以當佢俾人用令咒命令佢破壞佢唯一嘅救贖嘅時候, 佢係寧死都想要反抗... 結果俾人用雙重令咒迫佢就範果陣... 總之動畫實在好兒戲趕收工咁, 兩段令咒快快up完講句 ya ma de 就算, 完全無晒 feel...

因為SABER連女主角都不是.....係26話的內容係唔夠做=.=.....就正如UBW禁大文本量都可以用一個半小時講完=.=