Games Animation Forum

查看單個文章
舊 05-14-17, 02:25 AM   #161
maxlina
Insane Gamer
 
註冊日期: Feb 2007
文章: 551
PSN  IDmaxlina
XBox Live GamertagMaxlina
受友人所託代貼,我不能代表友人回應!THX

公開Gz半年間的來龍去脈:

亞里斯當時離開Gz,係因為Gz老闆覺得書做唔住,又唔肯花錢投資做上網,雖則未話摺書,但已萌生此念。
亞里斯離開前,聞說係同老闆傾好咗俾遊雲做主編的,但之後gz老闆唔知係太信chrono定唔信遊雲,又搵返chrono返去做。

Chrono之前離開Gz跟編輯部、亞里斯的不和,還有與公司錢銀瓜葛,在此不贅。
Chrono雖然話過game書冇得做,但有多舊錢,又可益下自己友賺,又冇理由唔接。或者Chrono當時真心覺得宅文勁,應該帶得返啲人去Gz,所以就將Gz轉為好多手遊稿,佢哋係錯判咗買書嘅人同網上免費睇嘅人嘅分別。

因為書數再跌,期間Gz一班編輯又不滿chrono,因為佢唔返公司,而最慘嘅係gz公司買咗部switch,但chrono拎走咗,所以gz編輯先要搵遊雲借機做嘢。
大概係gz老闆見到書數太唔對路,本身又一早已經唔想再投資搞落去,所以想摺書。
後來唔知係chrono同gz編輯定老闆不和,抽起啲外稿,令Gz出現出書危機,所以遊雲睇準時機同老闆傾,亦成功傾好之後由佢入主Gz,明正言順做主編。

Gz老闆本身就是個不太依章法同邏輯做事的人,搵chrono返去係一例。本來隨時可摺書,因為遊戲雜誌早已不再賺錢,未至於蝕,但至少賺得唔多,對於老闆而言,確實是可有可無的。
但可能有感情定唔捨得就咁放手出書行業,所以先後畀chrono同遊雲有機會接手。可以想像老闆同遊雲的deal並非四期,亦應該冇講話幾期,但肯定冇講話係一個長期,而係睇書數決定。
有可能係Gz老闆因為印廠同發行仲有一個月數期,所以先搵人返來頂,始終出書都有錢返,埋尾蝕少啲(生意人想法)。又有可能係遊雲在入主Gz之時與老闆在言語上有不和而導至只做四期,當然更有可能係老闆屎忽痕或另有打算。

遊雲曾經喺一份訪問講過,放棄咗一份85k的工作,而瞓身搞GG。據記者行內流傳,該份工作是為Apple AppStore寫遊戲介紹,但人工並非所說的高。當遊雲入主GZ,其實又係咪仲可能同時搞GG? 佢入主Gz對自己同GG有咩得著?當中有冇衝突?當然這種事外人就不用理會,照舊花生下就好了。

最後順帶一提大家關心小菜入Fami通的事,據知情人士所言,暫未聽聞此事,還有Japhk並非Fami通編輯部。

(以上事件盡量客觀去寫,如大家不喜歡或不相信,也不打緊。其實,又有誰說的最值得信呢?)
maxlina 目前離線   回覆時引用此篇文章
 

返回主題: [討論] 本地GAME書討論區 Vol 10(近期副題:GAME WEEKLY將加價至$25)