[david]

TVB前導演轟港姐騷狂穿崩
鄧梓峰：似中學學校show

大台年度港姐騷周日晚落幕，冠軍人選最惹人爭議，不過有幕後從業員則發現多個穿崩甩漏的畫面，紛紛在facebook慨嘆「好核突」，就連該台主持鄧梓峰也忍不住留言嘲諷「好有兒童節目feel」、「似中學學校show」。

TVB前綜藝節目導演邱雄崑當晚在facebook連出3帖，不滿年度港姐大騷「事事旦旦」，例如舞台上的港姐標誌竟穿崩「露黑點」，「嗰點黑色唔係污糟咗，其實係一個mark位（記號）。連FM（場務）同道具手足都唔夠人到咁，電線膠布mark位唔撕走就做live（直播），陰公。重點係要take top shot（從高位拍攝），mark位穿崩真係唔好睇」。

邱雄崑亦批評，工作人員和攝影機不停「入鏡」，取鏡完全不及格，「穿晒機，又穿晒工作人員。呢啲咁嘅鏡頭，畀着以前我哋做show時？一早畀人X到上天棚……原來而家興穿機、穿人嘅，類似鏡頭全晚有好多。從前咁樣穿法，返去真係有排受批判。btw興還興，但係好核突囉！」不少幕後從業員紛紛在邱的facebook，大嘆TVB慘不忍睹。

懶得開新串，貼呢度啦...

竟然無人提？定已經無大大會睇？