引用:
作者: 高級嘍囉
對於個結局我冇咩投訴,只不過係對中間嘅劇情唔滿意。鐵華團朱古力哩類人生被扭曲咗嘅人,只能在亂世中生存,就算好彩捱到去最後和平都唔會被大眾接受。
|
唔好意思,可能講得唔清楚,本人對要三明死無問題,好同意佢到和平嚟到「唔死都無用」,去到打MA之後,結局佢唔死都變星星眼。
更無所謂話佢死嚮屈機/弱雞朱莉手上(好懷疑獵魔係朱䓶嘅 first kill 嚟);況且王牌對決呢味嘢,現實中無咁常發生,唔少王牌死嚮普通士兵手上,有啲甚至幾不明不白:
一戰時戰機王牌「紅色男爵」畀一粒防空子彈貫胸死
二戰時有「戰車之王」美譽嘅韋特曼,爆咗佢部虎式戰車嘅對手,到今日都無人搵到
最諷刺嘅可能係西澤廣義,佢係日本皇軍嘅零戰撃墜王之一,大約有80架以上嘅戰績,佢係就係死嚮半空中,不過嗰陣,佢係個乘客⋯⋯
返正題,最大問題係,一個為咗權同嬴可以不摘手段嘅人,上咗位無誘因嘅情況下,居然肯改革交出部份權力,本人唔係幾服,反而如果嗰個最後嬴家係「最後無事」嘅咖喱君,本人會覺得合理好多囉
-----
魔劍呢啲動能武器,好似現代嘅戰車射嘅 SABOT/APFSDS 咁上下,有啲作品,對於呢啲無得防禦攔截嘅嘢係列作禁武,好以 mass driver 甚至 relativistic bomb (將物體加速到光速/亞光速撞向對手)咁
講到魔劍最屈機係佢準到無比,咁長矩離對住郁得嘅嘢都中;更荒謬嘅係,用咗咁多次,從來無人諗住打班射魔劍嗰啲MS(最後一次嗰度無計喇)