[david]

廢電器電子產品生產者責任制於8月1日生效，屆時電器供應商售賣俗稱「四電一腦」電器，須向環保署支付15至165元的循環再造費。有電器商表示，供應商已加價，惟跟隨「大圍一齊加（價）」。有即將搬屋的市民表示，新屋雖已有部份家電，惟需添置兩部電視機和一部手提電腦，若將循環再造費全數轉嫁市民計算，料需額外付345元，「買少少嘢都加300幾，如果成間屋咁買咪成多千蚊，咁樣係唔合理囉」。



新政策實施後，電器供應商售賣俗稱「四電一腦」（即電視機、雪櫃、冷氣機、洗衣機、電腦和相關產品）的電器，必須經環保署登記並支付循環再造費。當中電視機、雪櫃每件165元；冷氣機、洗衣機每件125元；顯示器每件45元；電腦、打印機和掃描器每件15元。而電器銷售商會在相關電器貼上循環再造標籤才能出售，消費者亦會收到載有訂明循環再造徵費字句的收據。

有電器店負責人表示，供應商已經加咗價，「我哋冇得選擇」，又指「都係大圍一齊加」，但未有透露加幅多少。從事建築業的羅先生表示，一家四口計劃於今年9月搬屋，正打算為新居添置電器。他指，新屋已有洗衣機、冷氣機和雪櫃等家電，但仍需添置兩部電視機和一部手提電腦。按照新政策，電視機每件徵收165元，而手提電腦每件徵收15元，假設電器供應商全數費用轉嫁予消費者，羅先生於8月1日後購買以上電器需額外付出345元。羅說：「買少少嘢都加300幾，如果成間屋咁買咪多成千蚊」。

他續指，若以一間兩房一廳的單位為例，全屋需要添置新電器，包括買兩部電視機、兩部冷氣機、一部雪櫃、一部洗衣機和一部電腦，同樣假設電器供應商全數費用轉嫁予消費者，料需額外付近千元。羅先生認為，「如果（電器）供應商將費用轉嫁畀消費者係唔合理」，這是增加市民經濟負擔。

綠惜地球環境倡議總監朱漢強對於新政策整體是支持，認為政策是修正以往不當處理舊電器的問題，希望提升市民回收舊電器的意識，惟新政策推行需時適應。他估計電器供應商不會全數轉嫁市民，「始終行內都有競爭，為咗加百幾蚊冇咗個客就應該唔會」，但認為若供應商將費用轉嫁市民，某部度是分擔處理責任，「如果你話全數轉嫁畀就好似將責任畀咗消費者，唔係太合理，有啲失望」。

O的錢真係會用去回收咩？

另外，O的所謂環保團體係真痴定假傻？

呢O的額外收費一向都係直接轉嫁到用家身上O架啦，就算係外國都係一鬼樣，一有O的類似O既額外收費，商家佬第一時間就係加足價甚至加突。