今日終於爆機, 遊玩時間15X小時, 好耐無花咁多時間係一隻GAME上了, 爆機後好滿足, 但同樣又好失落, 而家開部PS4唔知玩咩好
遊戲系統就無可挑剔了, 劇情還好, 雖然兩次逆轉的劇情感覺有點牽強, 第一次又會咁岩個間審問室不受殿堂影響, 第二次班民眾聽三島講幾句就信怪盜團, 說服力似乎唔多夠........不過整體都好出色, 玩完後真係希望香港都有怪盜團, 等某D高官可以悔改
唯一較大問題係同伴的著墨有點不足, 杏和佑介係後期基本上就只係搭下嘴, 無咩表現, 春出場太遲, 先天不足, 我有時都忘記左呢個角色
係牢獄救人時, 救到最後一個, 以為係貓貓, 去到見係春, 都呆一呆
至於龍司, 雖然好多人唔多鍾意佢, 但我覺得還好吧, 正常高中生一名, 中段得意忘形其實都係人之常情
最後希望會出加強版, 另外更希望P6唔使再等咁多年