[Busconcamp]

曼聯球迷必Like！咁樣樣去打熱刺

曼聯喺英超作客熱刺，被視為看守領隊蘇斯克查上任後遇到嘅首個真正考驗，不過佢強調唔會理首循環紅魔主場淨吞3蛋，相反會吩咐球員繼續唱《足球小將》主題曲：「攻呀攻快搶攻！」

蘇斯克查強調曼聯5連勝翻生，其實遇過好多阻力，所以唔覺得作客熱刺係佢首個考驗，而且佢話保羅普巴操練情況幾好，預計可以克服傷患上陣，佢仲講埋曼迷好想聽到嘅說話：「我哋嘅對手係英超最佳球隊之一，一定要意識到對方有幾強，但我哋依然要踢進攻足球，呢個係我哋強項，我哋要以團隊合作去創造機會！」