引用:
作者: mrk
最後對決好似唔多夠高潮!!!  |
係，原著都係咁，初初睇好怪，但係好有莎翁嘅意味，係有啲抄足《王子復仇記》。
原著仲死，成場大戰根本係用對白交待～～～
引用:
作者: mrk
 內有劇透 男主阿媽原來係白肥佬個親生囡，
不過成個家族咁重男輕女，
戲中白肥佬同姪仔(男主表哥)都好鐘意殺女人出氣，都唔方對個親生囡好架啦！
好奇係，戲中有幾多人知男主媽係白肥佬個囡？
姊妹會知唔知？
上集男主老豆好似只知老婆係來至姊妹會！？
Part1好多反派係Part2都收晒皮啦！
真係拍Part3又要出多批新反派(聯合會)囉！
|
解釋
- 阿媽好可能一出世就畀佢阿媽攞咗去，佢阿媽好可能係姊妹會個聖母。個會當然知咩事，亦好可能得佢哋知；就係因為呢班友暗中操縱各大貴族嘅血脈，今話講埋佢哋亦暗中「收集」埋男爵嘅血脈。
- 睇肥佬嘅反應，連佢都唔知。
- 記住嗰個係個封建世界，被殺嗰啲係奴隸，肥佬男爵根本唔當佢哋係人。
- 成個宇宙都知邊個係姊妹會嘅會員，睇佢哋啲「制服」咪知，但係佢哋嘅秘密，外人知嘅極少。
- 新反派？男主角咪係反派嚟囉！Frank Herbert 要寫第三部，又極短嘅小說，就係要解釋返佢個本意，呢套唔係（白男）救世主嘅故事。
唔止小說情節畀之後嘅作品「致敬」到爆，之前 70 年代 Jodorwsky 籌拍 Dune 版本不成，但係好多入面嘅分鏡同設定，包拍 H.R. Giger 嘅設定，都當年荷里活廣傳，所以令到大量後來者「受惠」。呢個「受影響嘅作品出色到反而令到原作變成無乜特別」，叫做 John Carter 效應，另一個受害者係《攻殼機動隊》。
