原來大家有咁多珍藏，Macross 雖然小弟唔係 Fans，不過當年因為過場畫面太吸引，夾硬 con 爆左隻 game，最尾果版連音樂真係好正~~ 講講下我即時 down 左 Lynn Minmay - Do You Remember Love 首歌黎聽
另外講開 MD，2年前好符碌咁係香港買到盒新品 MDCD-rom(返去先知，因為所以鐵片配件等等一未開過，部機又無花痕)，個睇鋪染髮靚仔可能年紀太後生，又掛住睇漫畫唔理野，可能幫人鄧場 @@v，入面個櫃放左盒 MDCD，唔知係唔係 display，我口痕問佢幾錢，佢望一望走埋去睇，咁岩個櫃對正部 MDCD 下面條木有張舊貼紙寫左 $200，佢就話 $200，我二話不說即立叫佢俾我，前後唔駛 3分鐘，重問我駛唔駛試機....我話唔駛，返去一試.... 一切正常，掂個碌蔗.... 依單野小弟都算經典，兩舊水買十幾年前斷碼新貨，當收藏都抵。
