決戰中環
3hrs
我就成日都話本土派班友仔唔生性，對於「一國兩制」爭取話語權這回事回，北京從來都冇鬆懈過。之不過有冇留意人哋手牌係點打嘅呢？
就係「引發錯誤討論」聲東擊西，而且絕對唔會由北京自己郁手。
玩法如下：
1。我都講到口水乾：就係將中國嘅「蘇維埃法制」偷換概念講成「大陸法」；然後等你班傻佬學者亂吠，不過係 barking up the wrong tree - 亦即呃你射落海；皆因研究大陸法者尚算有人，不過研究蘇維埃者，冇乜邊個。要引開你注意唔講蘇維埃，就搵人同你講大陸法，班傻佬一定中招同你玩
2。點解咁做？因為中國真係唔係搞緊「歐陸」嘅「大陸法」吖嘛，人哋係用「人權法」嚟做法理基礎㗎！法國大革命嘅「人權宣言」呀，中國有咩？
3。因此：北京明知自己唔方便自己出嚟誤導你班傻佬，否則一掂到「大陸法」自己就要解釋點解中國冇咗「人權」、反而只得一張「空凳」，只能扭扭擰擰耍太極，話乜鬼「中國式乜乜乜」，聽得多，早晚俾人識穿嘛，其實由始至終都係蘇維埃。
咁邊有咁多人出嚟引開啲子彈呢？
嗱：（射唔射，當唔當佢係海，睇你囉）
引用:
唔返中國唔留港 梁美芬訪美考察一國兩制
【明報專訊】經民聯立法會議員梁美芬本身係城大法律學者，擅長研究《基本法》，而呢個暑假佢話好忙，要再研習一國兩制，但佢唔喺香港或中國研習，而係走去美國路易斯安那州（Louisana），考察當地嘅「一國兩制」！
梁美芬同Emily講，8月份會好長時間唔喺香港，先會去美國探仔，然後一家人會參加加勒比郵輪團旅行。不過，佢之後會留喺路易斯安那州大概兩個禮拜做學術交流，佢獲當地機構邀請去考察同發表演講，題目係「Hybridity of common law and civil law : Hong Kong Practice」，大意係指香港係行獨特嘅一國兩制，法制行普通法，但一國就行大陸法制度。梁美芬話，路易斯安那州其實都係一個好特別嘅法制地區，同法國有歷史淵源，係美國唯一保留大陸法嘅州份。佢仲話多年前已經帶過一批中國法官去當地考察，而今次佢再去美國，想留長啲時間，觀摩埋當地法院點樣審案。
近期香港社會討論一國兩制，梁美芬之前就利用呢個題目，寫咗篇學術文章刊登喺學術期刊，評論一地兩檢衍生嘅各項法律爭議。
|
由手機版發出
