之前,有位新黎的女同事(另一個部門)到左
原本只係當好普通的同事看待
但卻好偶然的情況之下同枱食左一個星期飯,
相處之下,我覺得同佢性格上幾似,而且佢都算比晒SINGLE我(係短短一星期內係近乎被人查家宅咁濟
,我識朋友真係未試過咁
)
所以想嘗試接觸佢更多,
但問題來了:
1.OFFICE環境係是非多到離譜的地方,人地講少少密計,可以唔駛一個下午便整個OFFICE(包其他部門.......
)
2.佢係靚女一名,有其他追求者我都理解,但問題係有個玩女衰神都想溝佢,仲要係同部門的,每次見親佢地一齊都係無名火起
3.我好好彩地可以同佢嘗試單獨外出(因為某D原因),但自此之後我同佢都好少交談(之前佢都會同我傾下計),而且我約佢食早餐或者LUNCH都會有D保留(唔敢確定出唔出到,但又無話出唔到)但個玩女男卻每次約佢食早餐或者LUNCH都會去到,我有一朝就係見住佢地咁買齊早餐返到OFFICE食,唔開心左成日
但又不是得衰野的,之前我都有同佢提過我就生日,但已經預左佢唔會記得,但沒想到生日個晚就收到佢SEND比我的生日MESSAGE(需然係比較行貨但絕對唔係馬虎個種)之後個日仲請我食糖(這個需然係好平常
),但卻覺得滿心幸褔的感覺
咁係昨日收工時,收到佢的SMS,叫我比電話佢,但咁啱我個邊開會,最終拖左成個鐘先覆到電話
佢第一句講的,係叫我唔好嬲佢地部門個D人,話無人做金手旨,係佢地個邊的呀頭見我地成日係度好似阻佢做野咁,所以同我地果邊呀頭講,驚我比人罵咁,咁我同佢講話乜事都無,開會個時都只係提過下,但我無嬲過佢地個邊D人,係嬲都係嬲個玩女男,咁佢問我嬲D乜,咁我就唯有担白同佢講左(有D事非成份
),我都叫佢小心D個玩女男,唔想一個咁好的女仔比人玩,咁佢都話可能係流言,但都會小心D,而且佢話同佢只係同事,話個玩女男無追佢,只係教佢同提佢,而且佢都知公司係佢身邊發生好多事(其實我覺得佢知道好多人想追佢,包括我
),佢而家只係想同D同事和睦相處,我話會得閒打比佢,佢都話OK,咁最後嘗試約食LUNCH告終
但冷靜一想,其實佢係咪想護住個玩女男呢?因為其實呢D野佢唔駛同我講都得,佢都好似有D刻意SAY SORRY的感覺,好怪咁,而且公司又傳佢有人約佢出街(我問佢佢只係話同佢細妹出街
),但今日打左兩次電話(一個下午一個晚上)都係長響無人聽,今日左思右想個電話,覺得有D含意咁,而且個玩女男咁接近佢,我又只能乾急好似乜都做唔到咁(唔通叫我殺左佢咩....
),我又明知呢D野絕對唔急得.......
唉......我就黎諗到人都痴線了....有誰可以比到意見我呀.......
