[mudhole]

小草,
的確, 鬼佬方面...依加我真係唔知點面對佢...都有諗過搵另一位前輩漏風聲比鬼佬知既...
如果唔係, 鬼佬都一定會留意到同奇怪點解我對住佢時都會怪怪地咁...
但係咁又違背左同S既承諾 - 唔可以同鬼佬講返
雖然, 如果搵前輩講既話, 會變左係出自前輩把口, 但係同時責任都變左係前輩度...
而且, 都一定係S唔想發生既事,
反正S叫我唔好同鬼佬講, 佢為既都唔係我同唔同鬼佬講既問題, 而係應該只係S唔想鬼佬知道我既事jar嘛...

9.9.9 (我最要好既朋友)
你竟然會特登開個acc黎出post...
一睇第2段就估係你啦...果然...
明明就唔係咁識打中文既重打咁長....m(_ _)m
搶人女朋友呢... 如果我識得搶/搶得到既話...可能真係會搶都未定...
扮好人扮乖仔都扮左演咁多年...有時都想試下演做壞人...
如果真係做得出既話, 又的確係要先有承受相應報應既覺悟先得...
又係ruru講過既, 「撃っていいのは、撃たれる覚悟のあるヤツだけだ！」(只有已經有被人打既覺悟既人先有資格去打人)
講就咁講, 結果我都係咩野都唔會做...反正我根本就唔識點去搶嘛...
雖然, 我依兩日都係成日諗最好佢地兩個快d散...

塞翁失馬 焉知非福呢...
如果, 人係得到一樣野既同時, 總要有意識/無意識之間失去某一D野既時候; 的確, 係失去某一D野既同時, 亦會有某一D野係得到手而自己未必可以察覺...
或者, 因為"失去"既表象對於人腦黎講係比較大刺激性嘛...
即使同一時間, 有幾多野得到手都好, 自己都未必會意識得到...
其實, 諗返轉頭, 一定要多謝S
除左俾左回憶我, 令我係每日如是既生活中有一點點變化之外...
S亦另到我對中國大陸既態度有好大轉變同反省...(嘛, 雖然唔知會唔會有一日故態復萌...)
又可以睇清楚自己原來有好多好多既問題係平時冇為意...睇清楚其實自己既諗法係幾咁自私...
原來, 一直以黎都只係會諗自己, 自我滿足, 而冇諗S感受...
同埋... 可以發現, 原來身邊都有好多朋友/網友會聽我呻, 會同我一齊分析, 會比意見, 會安慰我...etc, 甚至, 明明唔係咁識打中文既朋友都肯花時間打咁長既中文回覆比我...

錢方面...我諗都係睇佢遲D會唔會開口問我先再算...
如果真係會問我既...
或者, 我真係要先問問佢"點解唔搵鬼佬?"先再決定...
對, 反正我只係一塊爛布...

martinnitram,
頭先去睇左會過去的既KTV啦...
嗯, 最後個句~
另外, 搵到首 對不起, 不是你 ... 依首似乎會更加fit依加既我...
睇個KTV, 真係好似影緊我咁... 2月15日同S一路行, 有時有野想同佢講, 開口開到一半又講唔出口, 想係送佢返屋企最後個段路時拖一拖佢又唔敢... 卒之最後都係同佢講唔到幾多野... 真係好無奈...