|
發表下先
我都係雙子座
我6月18號生日 雙子座第三型
我認同雙子座會有雙重人格
以自己為例
我自己o係學校同o係屋企會係2種完全唔同ge人
o係學校我做野會好積極 好多野講 所以有好多朋友
相反o係屋企 由於父母都要返工搵錢 自己又係獨仔
所以經常會對住部腦自閉
我同意樓主所講
我自己都係一個愛恨分明ge人
而且講野都好率直 重來唔講大話
見到唔鍾意ge我就會say no 鍾意ge我亦會好直接咁開口 特別係感情方面
唔鍾意ge我甚至會刻意避開人
我幾鍾意表達自己ge 某程度上我想多d人注意自己
不過有陣時講野唔識睇人面口 唔識轉彎 le個係我死穴
好奇心重... le樣都係啊
而且對未接觸ge事都可以話有一種肯去冒險ge感覺
所以我學過好多野
鋼琴 單簧管 中提琴
花式單車 golf 騎馬 etc....
不過恆心就真係唔多夠
剩係鋼琴考到grade 8
其他學完 識左就算
八足咁多爪 但係周身刀無張利
轉數快 我都認同啊
不過我自己幾有耐性
等人對我黎講重來都唔係問題
得閒教下同學
由唔識講到佢地識 個滿足感都幾好
不過我會覺得自己係個幾勢利ge人
好多時都係利字行頭
而且成日都有種不甘後人ge感覺
我覺得自己思想比同年ge成熟少少ge...
今年17歲
但係一早set好晒人生目標
好早就知道打死一世工無前途...
一生人 讀完書都20幾歲
初頭出黎做野又要囉經驗先 唔可以奢望咁快就會搵到好工
有穩定收入果陣 又要儲錢結婚買樓俾首期
果陣... 至少都30歲啦
一般人 供層樓都10幾年啦
到我供完果陣咪差唔多50歲
我ge人生咁就過左大半
換黎ge就只係香港社會上一個細到唔可以再細ge單位...
咁就一世人... 我點都唔會甘心...
但係現階段就只可以讀好書
雖然唔係話唔讀書無前途...
不過唔讀書將來可以出人頭地ge機會就真係微d
試問le個世界有幾多個人穿膠花可以穿到有過百億身家
講住咁多先...
其實仲有好多野想講
|
