[肉羊哩咖]

據閭女仕同沈潺個訪問都有講，佢幾年前做戰地記者，入過加沙採訪：

1. 哈密瓜好「傳統」，女性基本上唔會參與戰鬥。
2. 佢去過啲醫院，照佢講，佢分唔到邊啲係戰鬥人員，邊啲唔係。
3. 當地人同佢講，醫院同學校下面收埋好多軍火，佢無親眼見到，但似乎當地係公開嘅秘密。

睇 T&P 近日出咗條片，講返至以色列撤出加沙之後，分析兩邊戰和嘅歷史同打法。哈密瓜呢舖似乎捉到以色列反應嘅節奏，同埋今年佢國內嘅亂象而出手。

另外，加沙據報一半以上人口都係未成年，所以呢舖死傷比例特別高，雖然本人手上無直接証據，但係好難想像，呢十幾廿年嚮嗰度出世嘅細路，會識諗去反哈密瓜，追求共存和平；就算有，哈密瓜嚮嗰度話晒事，要法有法，要鎗有鎗，唔合作根本無可能生存到。有睇過啲片，當地有個好細個細路女，嚮鏡頭面前，用好「可愛」嘅語調話要消滅以色列，殺晒啲猶太人；唔係話佢地個個都係武裝份子，都係抵死，本人覺得呢啲人真係好不幸。