The Expanse 雜談
頭三季嚮 SyFy 上面播,香港 Netflix 見過有齊三季,口碑一流,但係可能係成本+收視+電視台高層死蠢嘅關係而被腰斬(同同年嘅《魔鬼神探》Lucifer 一樣 S3 無咗)。一眾死粉馬上網上發起救亡運動。結果 Amazon 個主席對死粉親口答應執返兼製作 S4 (而 S5 都已經拍咗板開得工) 上 APV 播。(另一邊 Lucifer 就被 Netflix 執起咗,延命到 S5 完結)
除咗製作同設定非常認真之外,原作對政治嘅探討電視版亦搬到好足,亦無話因為自我焗限於咁時代某幾個議題而失去恒久性(咳,星球大戰後三步曲,咳),尤其對人性同政治性有好深嘅描寫:人類對事物(尤其係未知嘅)過度單純同簡化嘅反應,視野偏狹,對暴力過度崇拜,當中嘅荒謬,由主角們視點出發去探討同批評。
單睇咁鬼多字點得㗎,無一兩條片睇咪好趕客?睇吓個製作有幾認真先!
__________________
- 有錯麻煩指正
- 排緊隊:寄生獸 Grey、Fallout、The Bad Batch、X-Men 97 、戰隊大失格、怪獸 8 號⋯⋯
- 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune
|